ସଡକ ସୁରକ୍ଷା ସପ୍ତାହ ଉଦଯାପନୀ ବୈଠକ ମୃତ୍ୟୁ ହାର ରୋକିବା ନିମନ୍ତେ ଜନସଚେତନତା ଉପରେ ଗୁରୁତ୍ବାରୋପ

ସଡକ ସୁରକ୍ଷା ସପ୍ତାହ ଉଦଯାପନୀ ବୈଠକ ମୃତ୍ୟୁ ହାର ରୋକିବା ନିମନ୍ତେ ଜନସଚେତନତା ଉପରେ ଗୁରୁତ୍ବାରୋପ

ଢେଙ୍କାନାଳ , ତା ୧୭.୦୧.୨୦୨୩ ଗତ ୧୧ ରୁ ୧୭ ତାରିଖ ପର୍ଯ୍ୟନ୍ତ ପାଳିତ ହେଉଥିବା ସଡକ ସୁରକ୍ଷା ସପ୍ତାହ ଉଦଯାପିତ ହୋଇଅଛି । ଏହି ଉପଲକ୍ଷେ ଆଜି ଅପରାହ୍ନରେ ଜିଲ୍ଲା କାର୍ଯ୍ୟାଳୟ ସଦଭାବନା ସଭାଗୃହ ଠାରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀଙ୍କ ଅଧ୍ୟକ୍ଷତାରେ ସଡକ ସୁରକ୍ଷା ସପ୍ତାହ ଉଦଯାପନୀ ବୈଠକ ଅନୁଷ୍ଠିତ ହୋଇଯାଇଛି । ପ୍ରତ୍ୟେକଙ୍କର ଜୀବନ ସବୁଠାରୁ ଅଧିକ ମୂଲ୍ୟବାନ । ଏଣୁ ଦ୍ରୁତ ବେଗରେ ଚଲାଉ ଥିବା ଗାଡି ଚାଳକ , ମଦ୍ୟପାନ କରି ଏବଂ ଟ୍ରାଫିକ ନିୟମ ଭାଙ୍ଗି ଚଳଉଥିବା ଗାଡି ଚାଳକ ମାନଙ୍କୁ ନିୟମିତ ଯାଞ୍ଚ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜିଲ୍ଲାପାଳ କହିଛନ୍ତି । ସ୍କୁଲ , କଲେଜ ପିଲାମାନଙ୍କୁ ଟ୍ରାଫିକ ନିୟମ ସମ୍ପର୍କରେ ଅଧିକ ସଚେତନ କରିବାକୁ ସେ ପରାମର୍ଶ ଦେବା ସହ ସମସ୍ତ ସ୍କୁଲ , କଲେଜ ସମୁଖ ରାସ୍ତାରେ ଵିଡ ବ୍ରେକର ଏବଂ ସାଇନେଜର ବ୍ୟବସ୍ଥା କରିବାକୁ ସେ କହିଛନ୍ତି । ଦୁର୍ଘଟଣା ରୋକି ଧାନ ଜୀବନ ହାନିକୁ ରୋକିବା ନିମନ୍ତେ ପ୍ରତିମାସରେ ସମୀକ୍ଷା ବୈଠକ କରି ବିହିତ ବ୍ୟବସ୍ଥା କରିବାକୁ ଜିଲ୍ଲାପାଳ ଆଞ୍ଚଳିକ ପରିବହନ ଅଧିକାରୀଙ୍କୁ କହିଛନ୍ତି । ଜାତୀୟ ରାଜପଥ କୁ ସଂଯୋଗ କରୁଥିବା ସମସ୍ତ ରାସ୍ତା ରେ ସାଇନେଜ ଓ ସ୍ଥିତ ବ୍ରେକର ବ୍ୟବସ୍ଥା କରାଯିବା ଉପରେ ଆରକ୍ଷୀ ଅଧୀକ୍ଷକ ଶ୍ରୀ ଜ୍ଞାନ ରଞ୍ଜନ ମହାପାତ୍ର ଗୁରୁତ୍ବାରୋପ କରିଥିଲେ । ଗାଡି ଚଳାଇବା ବେଳେ ନିଜେ ସତର୍କ ହେବା ସହିତ ରାସ୍ତା ବ୍ୟବହାର କରୁଥିବା ଜନସାଧାରଣ ଅଧିକ ସଚେତନ ହେବାକୁ ସେ ପରାମର୍ଶ ଦେଇଛନ୍ତି । ପୋଲିସ ପ୍ରଶାସନ ଏବଂ ଆଞ୍ଚଳିକ ପରିବହନ ବିଭାଗ ପକ୍ଷରୁ ଯୁଗ୍ମ ଭାବେ ଅନୁଧ୍ୟାନ କରି ଜାତୀୟ ରାଜପଥରେ ଦୁର୍ଘଟଣା ରୋକିବା ନିମନ୍ତେ ପ୍ରୟାସ କରାଯାଉଛି ବୋଲି ସେ ପ୍ରକାଶ କରିଛନ୍ତି । ସ୍କୁଲ , କଲେଜ ପିଲ୍ଲାମାନଙ୍କୁ ନେବା ଆଣିବା କରୁଥିବା ଗାଡି ଗୁଡିକୁ ଆଞ୍ଚଳିକ ପରିବହନ ବିଭାଗ ପକ୍ଷରୁ ନିୟମିତ ଯାଞ୍ଚ କରାଯାଉଛି । ପୋଲିସ ପ୍ରଶାସନ ଏବଂ ଆଞ୍ଚଳିକ ପରିବହନ ବିଭାଗ ପକ୍ଷରୁ ଜାତୀୟ ରାଜପଥ ଏବଂ ଜିଲ୍ଲାର ବିଭିନ୍ନ ସ୍ଥାନରେ ଯାଞ୍ଚ କରାଯାଇ ଲୋକମାନଙ୍କୁ ସଚେତନ କରାଯାଉଛି ବୋଲି ଆଞ୍ଚଳିକ ପରିବହନ ଅଧିକାରୀ ଶ୍ରୀ ପ୍ରଣୟ କୁମାର ମିଶ୍ର ପ୍ରକାଶ କରିଥିଲେ । ଏହି ଅବସରରେ ଜିଲ୍ଲାର ରାସ୍ତା ଦୁର୍ଘଟଣା ସମୟରେ ଉଦ୍ଧାର ଓ ସହଯୋଗ କରିଥିବା ୧୧ ଜଣ ଗୁଡ଼ି ସାମରିଟାନଙ୍କୁ ସମ୍ମାନିତ କରାଯିବା ସହିତ ୨ ( ଦୁଇ ) ହଜାର ଟଙ୍କା ଲେଖାଏଁ ଆର୍ଥିକ ସହାୟତା ରାଶି ପ୍ରଦାନ କରାଯାଇଥିଲା । ଏହି ବୈଠକରେ ଅତିରିକ୍ତ ଆରକ୍ଷୀ ଅଧୀକ୍ଷକ ଶ୍ରୀ ପୁରୁଷୋତ୍ତମ ସେଠୀ , ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡା . ଅଶୋକ କୁମାର ଦାଶ , ଜିଲ୍ଲା ରାପିଡ଼ ରେସପନ୍ସ୍ ଟିମର କୋରଡିନେଟର ଶ୍ରୀ ବିରାଞ୍ଚି ନାରାୟଣ ପାଣି ସମ୍ପୂର ଜିଲ୍ଲା ସ୍ତରୀୟ ଅଧିକାରୀ , ଗଣମାଧ୍ୟମର ପ୍ରତିନିଧ୍ , ଆଞ୍ଚଳିକ ପରିବହନର କର୍ମଚାରୀ ଓ ଗୁଡ଼ ସାମରିଟାନ ମାନେ ଯୋଗ ଦେଇଥିଲେ । ସଡକ ସୁରକ୍ଷା ସପ୍ତାହ ଉଦଯାପନୀ ଉପଲକ୍ଷେ ଆଜି ସକାଳେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ , ଆରକ୍ଷୀ ଅଧୀକ୍ଷକ ଶ୍ରୀ ଜ୍ଞାନ ରଞ୍ଜନ ମହାପାତ୍ର ଏକ ସାଇକେଲ ରାଲିକୁ ପତାକା ଦେଖାଇ ଆରମ୍ଭ କରିଥିଲେ । ପରେ ଜିଲ୍ଲାପାଳ ଏବଂ ଆରକ୍ଷୀ ଅଧୀକ୍ଷକଙ୍କ ସହିତ ଢେଙ୍କାନାଳ ସାଇକେଲ ଆସୋସିଆସନ ସରକାରୀ ଆଇ.ଟି.ଆଇ. , ସେଣ୍ଟ ଜାଭିୟର୍ସ ହାଇ ସ୍କୁଲ , ଡାଇକୁଣ୍ଡ ଆସୋସିଆସନ , ସାଇ ହଷ୍ଟେଲ , ସୂର୍ଯ୍ୟ ଶକ୍ତି ବିଦ୍ୟାମନ୍ଦିରର ଛାତ୍ରଛାତ୍ରୀମାନେ ସଚେତନତା ରଥ ସହିତ ସାଇକେଲ ରାଲିରେ ସହର ପରିକ୍ରମା କରିଥିଲେ ।

Recent Post

Live Cricket Update