ସିକ୍ୟୁରିଟି ଗାର୍ଡ କୁ ମାରାତ୍ମକ ଆକ୍ରମଣ ଘଟଣାରେ ଅଭିଯୁକ୍ତକୁ କୋର୍ଟଚାଲାଣ

ଅନୁଗୋଳ ଜିଲ୍ଲା ବଅଁରପାଳ ଥାନା ନିକଟରେ ଥିବା ଗଡ଼ ବୁଢ଼ାପଙ୍କ ଗ୍ରାମ ର ଦୁଇ ଜଣ କାର୍ଯ୍ୟରତ ସିକ୍ୟୁରିଟି ଗାର୍ଡ କୁ ମାରାତ୍ମକ ଆକ୍ରମଣ ଘଟଣାରେ ବଅଁରପାଳ ପୋଲିସ ଜଣେ ଅଭିଯୁକ୍ତକୁ କୋର୍ଟଚାଲାଣ କରିଛି। ଥାନା ପକ୍ଷରୁ ସୂଚନା ମୁତାବକ ଗଡ଼ ବୁଢ଼ାପଙ୍କ ଗ୍ରାମର ପ୍ରକାଶ ପ୍ରଧାନ ଓ ନୀଳମଣି ମାଝୀ ଉଭୟେ ରେଳ ଲାଇନ ର ସିକ୍ୟୁରିଟି ଗାର୍ଡ ଭାବେ କାର୍ଯ୍ୟ କରନ୍ତି। ଗତ ୩୧ ଡିସେମ୍ବର୍ ସନ୍ଧ୍ୟା ପ୍ରାୟ ୬.୩୦ ମିନିଟ ସମୟରେ ଉଭୟେ ଚାଲି ଚାଲି ଯିବା ସମୟରେ ଏକ OD ୧୯ – ୩୪୪୬ ବୋଲେରୋ ଗାଡ଼ି ରେ ପ୍ରାୟ ୭-୮ ଜଣ ବ୍ଯକ୍ତି ଆସି ଭୁଜାଲି, ଖଣ୍ଡା ଓ ଠେଙ୍ଗା ରେ ଆକ୍ରମଣ କରି ଗୁରୁତ୍ତର କରିଥିଲେ। ସେଥିମଧ୍ୟରୁ ପାଞ୍ଚ ଜଣ ହେଲେ ବିଦେଶୀ ନାଏକ, ବାଦଲ ନାଏକ, ଦାଶରଥି ନାଏକ, ଜମ୍ବେଶ୍ଵର ନାଏକ ଓ ଚନ୍ଦନ ନାଏକ ଙ୍କୁ ପ୍ରକାଶ ଚିହ୍ନଟ ଦେଇଥିଲେ। ପୋଲିସ ଅଭିଯୁକ୍ତ ଙ୍କ ନାମରେ ମାମଲା ରୁଜୁ କରି ତଦନ୍ତ ଜାରି ରଖିଥିବାବେଳେ ଆଜି ଜମ୍ବେଶ୍ଵର ଗିରଫ କରି କୋର୍ଟ ଚାଲାଣ କରିଛି।

Recent Post

Live Cricket Update