କ୍ୟାବିନେଟ୍ ନିଷ୍ପତିର ତୀବ୍ର ପ୍ରତିବାଦ କଲା ୬୬୨ ବର୍ଗ କଲେଜ୍ ସଂଘ ଓ ଆନ୍ଦୋଳନକୁ ଓହ୍ଲାଇବା ନିଷ୍ପତି

କ୍ୟାବିନେଟ୍ ନିଷ୍ପତିର ତୀବ୍ର ପ୍ରତିବାଦ କଲା ୬୬୨ ବର୍ଗ କଲେଜ୍ ସଂଘ ଓ ଆନ୍ଦୋଳନକୁ ଓହ୍ଲାଇବା ନିଷ୍ପତି

ଢେଙ୍କାନାଳ , ୨୫.୦୧.୨୦୨୩ – କ୍ୟାବିନେଟ୍ ବୈଠକରେ ଅଧ୍ୟାପକ ଓ କର୍ମଚାରୀମାନଙ୍କ ପାଇଁ ସ୍ଥିରୀକୃତ ପଦ୍ଧତିକୁ ତୀବ୍ର ବିରୋଧ କରିଛି ନିଖୁଳ ଓଡିଶା ୬୬୨ ବର୍ଗ ବେସରକାରୀ କଲେଜ ଅଧ୍ୟାପକ କର୍ମଚାରୀ ସଂଘ । ଗତ ଡିସେମ୍ବର ମାସ ୩୦ ତାରିଖରେ ଅନୁଷ୍ଠିତ କ୍ୟାବିନେଟ୍ ବୈଠକରେ ଅବିକଳ ୭ମ କମିଶନ ବେତନ ଅଧାରରେ ଦରମା ପ୍ରଦାନ ପାଇଁ ନିଷ୍ପତି ହୋଇଥିଲା , ଏହାକୁ ଭିତି କରି ଉଚ୍ଚଶିକ୍ଷା ବିଭାଗ ବିଜ୍ଞପ୍ତି ସଂଖ୍ୟା- ୧୩୯୬ ତା୧୧.୦୧.୨୦୨୨ ରିଖରେ ପ୍ରକାଶ କରିଥିଲେ ଓ ଦୀର୍ଘ ୧ବର୍ଷ ଧରି ସମାନ ହାରରେ ଅଧ୍ୟାପକମାନଙ୍କୁ ସମାନ ଦରମା ଦେଇଥିଲେ । କିନ୍ତୁ ବିସ୍ମୟର କଥା କ୍ୟାବିନେଟ୍ ନିଷ୍ପତିରେ କିଛି କର୍ମଚାରୀ ଓ ଅଧ୍ୟାପକମାନଙ୍କୁ ଅହେତୁକ ଅନୁକଂପା ଦେଖାଇ ପ୍ରାୟ ୧୦ ହଜାର ଟଙ୍କାର ଦରମା ତାରତମ୍ୟ ଘୋଷଣା କରାଯାଇଛି । ଏପରିକି ୪୨୦୦ ଗ୍ରେଡ୍‌ ପେ ପାଉଥିବା ୪୮୮ ବର୍ଗର ପି.ଇ.ଟି. ଲାଇବ୍ରେରିଆନ୍ ଓ ଡେମୋନ୍‌ଷ୍ଟେଟରଙ୍କ ଠାରୁ ୪୬୦୦ ଗ୍ରେଡ୍‌ ପେ ପାଉଥିବା ୬୬୨ କଲେଜ୍ ବର୍ଗର ଅଧ୍ୟାପକ ମାନଙ୍କୁ କମ୍ ଦରମା ଦିଆଯିବ । ନିଯୁକ୍ତିରେ ବରିଷ୍ଠ ଓ ସମାନ ପଦ୍ଧତିରେ ନିଯୁକ୍ତି ପାଇଥିଲେ ମଧ୍ୟ ୬୬୨ ବର୍ଗର ଅଧ୍ୟାପକ ଓ କର୍ମଚାରୀମାନଙ୍କୁ ଅଣଦେଖା କରାଯାଇଛି ଯାହାକୁ ସଂଘ ଗୁରୁତର ଭାବେ ଗ୍ରହଣ କରିଛି । ମାନ୍ୟବର ମୁଖ୍ୟମନ୍ତ୍ରୀଙ୍କୁ ସଠିକ୍‌ ତଥ୍ୟ ନ ଦିଆଯାଇ କିଛି ଉପରିସ୍ଥ ଅମଲାମାନେ ଏପରି ବେନିୟମ ଓ ଚକ୍ରାନ୍ତ କରିଛନ୍ତି ଯାହା କେବଳ ବର୍ଦ୍ଧିତ ଦରମା ନୁହେଁ ବରଂ ଅଧ୍ୟାପକମାନଙ୍କର ସମାଜରେ ସମ୍ମାନ ହାନି କରାଯାଇଛି । ମୁଖ୍ୟ ଶାସନ ସଚିବଙ୍କ ଏଭଲି ନିଷ୍ପତି ନେବା ଅତ୍ୟନ୍ତ ଦୁର୍ଭାଗ୍ୟଜନକ ଓ ନିନ୍ଦାଜନକ ବୋଲି ସଂଘ ଅଭିଯୋଗ କରିଛି । ଦୀର୍ଘ ୧ ବର୍ଷ ଧରି ସମାନ ଦରମା ପାଉଥିବା ଅଧ୍ୟାପକମାନଙ୍କ ପାଇଁ ପିଛିଲା ଭାବରେ ତିନୋଟି ଇନ୍କ୍ରିମେଟ ଦେଉଥିଲେ ଉଭୟ ବର୍ଗର ଅଧ୍ୟାପକମାନେ ସମାନ କାମକୁ ସମାନ ଦରମା ପାଇପାରିଥାନ୍ତେ । ମାତ୍ର ତାହା ନକରି ୪୮୮ ବର୍ଗର ଅଧ୍ୟାପକ ଓ କର୍ମଚାରୀମାନଙ୍କୁ ଅହେତୁକ ଅନୁକଂପା ପ୍ରଦାନ କରିଛନ୍ତି କାହିଁକି ବୋଲି ସଂଘ ପ୍ରଶ୍ନ କରିଛି । ଏହି ପ୍ରସଙ୍ଗରେ ଯଥାଶୀଘ୍ର ମାନନୀୟ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡୁଛୁ ଓ ଏହାର ଆଶୁ ସମାଧାନ କରିବା ପାଇଁ ଅନୁରୋଧ କରୁଛୁ । ଯଦି ଏହି ନିଷ୍ପତିର ଶୀଘ୍ର ପରିବର୍ତନ ନକରାଯାଏ ତେବେ ଫେବୃଆରୀ ୧ମ ସପ୍ତାହରେ ଏକ ବିଶାଳ ଆନ୍ଦୋଳନ ମୁଣ୍ଡ ଟେକିବ ବୋଲି ଆଜି ଜିଲ୍ଲାପାଳଙ୍କ କାର୍ଯ୍ୟଳୟରେ ବିକ୍ଷୋଭ ପ୍ରଦର୍ଶନ ସହିତ ଏକ ସ୍ମାରକପତ୍ର ଜିଲ୍ଲାପାଳ ସରୋଜ କୁମାର ସେଠୀଙ୍କୁ ପ୍ରଦାନ କରିଛନ୍ତି । ଏହି ସ୍ମାରକପ୍ରଦାନ ବେଳେ ସଂଘର ସଭାପତି ଗୋଲକ ନାୟକ , ଦୁଇ ସାଧାରଣ ସଂପାଦକ ସତାପରଦ୍ଦିନ୍ ଅହମ୍ମଦ ଓ ଡଃ ଗଗନ ବେଉରା , ଡଃ ତପନ ଜେନା , ରଙ୍ଗନ ପ୍ରଧାନ , ଅଶୋକ ପୁରୋହିତ , ବିଜୟ କୁମାର ପଟ୍ଟନାୟକ , ପ୍ରେମାନନ୍ଦ ନାୟକ , ସମୀର କୁମାର ସାହୁ , ପ୍ରଭାତ କୁମାର ସାମଲ , କବିତା ମହାନ୍ତିଙ୍କ ସମେତ ବହୁ ଅଧ୍ୟାପକ ଅଧ୍ୟାପିକା ଯୋଗଦେଇଥିଲେ ।

Recent Post

Live Cricket Update