ସଂସଦୀୟ ମଣ୍ଡଳୀ କମିଟିର ସଡକ ସୁରକ୍ଷା ବୈଠକ ଅନୁଷ୍ଠିତ

ଢେଙ୍କାନାଳ ତା . ୧୪ , ୦୨ , ୨୦୨୩ – ଆଜି ପୂର୍ବାହ୍ନରେ ଜିଲ୍ଲା କାର୍ଯ୍ୟାଳୟର ସଦଭାବନା ସଭାଗୃହରେ ମାନ୍ୟବର ସାଂସଦ ଶ୍ରୀଯୁକ୍ତ ମହେଶ ସାହୁଙ୍କ ଅଧ୍ୟକ୍ଷତାରେ ସଂସଦୀୟ ମଣ୍ଡଳୀ କମିଟିର ସଡକ ସୁରକ୍ଷା ବୈଠକ ଅନୁଷ୍ଠିତ ହୋଇଯାଇଛି । ସାମୁହିକ ସ୍ବାର୍ଥକୁ ଦୃଷ୍ଟିରେ ରଖ୍ ସହର ମଧ୍ୟରେ ଟ୍ରାଫିକ ସମାସ୍ୟା ଦୂର କରିବା ପାଇଁ ସହରର ପ୍ରମୁଖ ସ୍ଥାନ ଗୁଡିକରେ ଜବରଦଖଲକୁ ୭ ଦିନ ମଧ୍ୟରେ ଉଚ୍ଛେଦ କରିବା ପାଇଁ ମାନ୍ୟବର ସାଂସଦ କହିଛନ୍ତି । ସହରର ବିକାଶରେ ବାଧକ ସାଜୁଥିବା ବ୍ୟକ୍ତିଙ୍କ ବିରୁଦ୍ଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ କହିଛନ୍ତି । ସହରର ପ୍ରମୁଖ ଶିକ୍ଷାନୁଷ୍ଠାନଗୁଡିକର ଅତି ନିକଟରେ କୌଣସି ପ୍ରକାରର ଖାଦ୍ୟସମଗ୍ରୀ ଓ ଅନ୍ୟାନ୍ୟ ସାମଗ୍ରୀର ବ୍ୟବସାୟ ଯେପରି ନ ହୁଏ , ସେଥ୍ପ୍ରତି ବିହିତ ପଦକ୍ଷେପ ଗ୍ରହଣ କରିବାକୁ ସେ କହିଛନ୍ତି । ନିର୍ମାଣଧୀନ ଜାତୀୟ ରାଜପଥରେ ଥିବା ବିପଦ ସଙ୍କୁଳ ସ୍ଥାନ ଏବଂ ସଂଯୋଗ ରାସ୍ତା ଗୁଡିକରେ ସତର୍କ ସୂଚନା ନିମନ୍ତେ ତୁରନ୍ତ ବିହିତ ବ୍ୟବସ୍ଥା କରି ଧନ ଜୀବନ ହାନି ରୋକିବାକୁ ସେ ଜାତୀୟ ରାଜପଥ ପ୍ରାଧୂକରଣର କର୍ତ୍ତୃପକ୍ଷ ଏବଂ ପୂର୍ତ୍ତ ବିଭାଗ ଅଧ୍ୟକ୍ଷଣ ଯନ୍ତ୍ରୀଙ୍କୁ କହିଛନ୍ତି । ମଦ୍ୟପ ଗାଡି ଚାଳକ , ଦ୍ରୁତ ଗାଡି ଚାଳକ ମାନଙ୍କ ଉପରେ ନଜର ରଖ୍ , ଦୁଇ ଚିକିଆରେ ଦୁଇ ଜଣ ରୁ ଅଧିକ ଯାଉଥିଲେ , ହେଲମେଣ୍ଟ ନ ପିନ୍ଧିଥିଲେ , ବିନା ଲାଇସେନ୍ସ ରେ ଗାଡି ଚଲାଉଥିଲେ ଚେତାବନୀ ଦେବା ସହିତ ଆବଶ୍ୟକ ସ୍ଥଳେ ଜୋରିମାନା ଆଦାୟ କରି ବିହିତ ପଦକ୍ଷେପ ନେବାକୁ କହିଛନ୍ତି । ଢେଙ୍କାନାଳ ଜିଲ୍ଲାର ବିକାଶ ନିମନ୍ତେ ସହିତ ଧନଜୀବନ ରକ୍ଷା ନିମନ୍ତେ ସମସ୍ତ ସମ୍ପୃକ୍ତ ଅଧିକାରୀ ମାନେ ବିଶେଷ ଯବାନ ହେବାକୁ ଓ ଏଥ୍‌ନିମନ୍ତେ ଜନସାଧାରଣ ପୂର୍ଣ୍ଣ ସହଯୋଗ କରିବାକୁ ସେ ପରାମର୍ଶ ଦେଇଛନ୍ତି । ଜିଲ୍ଲାରେ ଚିହ୍ନଟ ପ୍ରାୟ ୬୦ ଟି ଦୁର୍ଘଟଣା ପ୍ରବଣ ସ୍ଥାନରେ ଦୁର୍ଘଟଣାକୁ ରୋକି ଧନଜୀବନ ରକ୍ଷା କରିବାକୁ ବିହିତ ବ୍ୟବସ୍ଥା କରାଯିବା ଉପରେ ଆରକ୍ଷୀ ଅଧୀକ୍ଷକ ଶ୍ରୀ ଜ୍ଞାନ ରଞ୍ଜନ ମହାପାତ୍ର ଗୁରୁତ୍ବାରୋପ କରିଛନ୍ତି । ସ୍ଥାନୀୟ ଯୁବକମାନଙ୍କୁ ସ୍ଵତନ୍ତ୍ର ପୋଲିସ ଭାବେ ନିୟୋଜିତ କରାଯାଇ ସହରରେ ଯାନବାହାନ ନିୟନ୍ତ୍ରଣ ଓ ଗାଡି ପାକଂକୁ ବ୍ୟବସ୍ଥିତ କରାଯିବ ସେ ପ୍ରକାଶ କରିଛନ୍ତି । ସହରରେ ଡିଜିଟାଲ ଟ୍ରାଫିକ ବ୍ୟବସ୍ଥା , ସି ସି କ୍ୟାମେରା ବ୍ୟବସ୍ଥା , ନିୟମିତ ଗାଡି ଚେକିଙ୍ଗ , ଶବ୍ଦ ପ୍ରଦୂଷଣକୁ ହ୍ରାସ କରିବା , ସହରର ସୌନ୍ଦର୍ଯ୍ୟକରଣ , ଚାଲୁଥିବା ସମସ୍ତ ରାସ୍ତା କାମକୁ ଯଥାଶୀଘ୍ର ଶେଷ କରିବା ଆଦି ସମ୍ପର୍କରେ ବୈଠକରେ ଆଲୋଚନା ହୋଇଥିଲା । ଏହି ବୈଠକରେ ଅତିରିକ୍ତ ଜିଲ୍ଲାପାଳ ଶ୍ରୀ ରମେଶ ଚନ୍ଦ୍ର ସେଠି ( ସାଧାରଣ ) , ଆଞ୍ଚଳିକ ପରିବହନ ଅଧିକାରୀ ଶ୍ରୀ ପ୍ରଣୟ କୁମାର ମିଶ୍ରଙ୍କ ସମେତ ସମ୍ପୃକ୍ତ ବିଭାଗୀୟ ଅଧିକାରୀ , ବସ ମାଲିକ ସଂଘ ଏବଂ ଟ୍ରକ ମାଲିକ ସଂଘ , ବଜରଙ୍ଗ କ୍ଲବର କର୍ମକର୍ତ୍ତା ମାନେ ଉପସ୍ଥିତ ରହି ସଡକ ସୁରକ୍ଷା ସମ୍ପର୍କରେ ଆଲୋଚନା କରିଥିଲେ ।