ଭୟାଭୟ ଅଗ୍ନିକାଣ୍ଡ ଆସବାବ ପତ୍ର ସଂପୂର୍ଣ୍ଣ ଜଳିପୋଡି ପାଉଁଶ

ଅନୁଗୋଳ ଜିଲ୍ଲା ବଅଁରପାଳ ବ୍ଲକ ଅନ୍ତର୍ଗତ ଭୋଗବେରେଣି ପଞ୍ଚାୟତ ମଦନ ବେହେରାଙ୍କ ଘର ସଟ୍ ସର୍କିଟ ଯୋଗୁଁ ନିଆଁ ଲାଗି ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି । ସୂଚନା ମୁତାବକ ମଦନ ବେହେରା ତାଙ୍କ ବାଡି ପଟରେ ନିଜର କିଛି କାମ କରୁଥିଲେ । ତେବେ ହଠାତ୍ ଲାଇନ୍ ସଟ୍ ସର୍କିଟ ହୋଇ ଘରଟି ନିଆଁ ଲାଗିଯାଇଥିଲା, ତୁରନ୍ତ ସରପଞ୍ଚଙ୍କୁ ଫୋନ୍ କରିଥିଲେ । ସରପଞ୍ଚ ପଞ୍ଚାୟତ କାର୍ଯ୍ୟାଳୟ ଠାରେ ଥିଲେ ଖବର ପାଇ ଘଟଣା ସ୍ଥଳରେ ପହଞ୍ଚି ତୁରନ୍ତ NTPCର ଅଗ୍ନିଶମ ବିଭାଗକୁ ଖବର ଦେଇଥିଲେ । ପରେ ପରେ ବଅଁରପାଳ ଅଗ୍ନିଶମ ବିଭାଗ କୁ ମଧ୍ୟ ଫୋନ୍ କରିଥିଲେ । କିଛି ସମୟ ଭିତରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ କରିଥିଲେ । ଘରଟି ସମ୍ପୂର୍ଣ୍ଣ ଭାବେ ନିଆଁ ଲାଗିଯାଇଥିବା ବେଳେ ସମସ୍ତ ପ୍ରକାରର ଆସବାଵ ପତ୍ର ଚାଉଳ ଟଙ୍କା ସୁନା ଓ ଜମି ପଟା ଓ ଅନ୍ୟାନ୍ୟ କାଗଜ ପତ୍ର ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି । ପାଖା ପାଖି ଦୁଇ ଲକ୍ଷ ଟଙ୍କାର ସମ୍ପତ୍ତି ଅନୁମାନ କରାଯାଉଛି । ଘଟଣା ସ୍ଥଳରେ ସ୍ଥାନିୟ ସରପଞ୍ଚ ଚାପଲିନ୍ ସାହୁ ଅଗ୍ନିଶମ ବିଭାଗକୁ ସହଯୋଗ କରିବା ସହ ମଦନ ବେହେରା ଙ୍କ ପରିବାର କୁ କିଛି ସୁଖିଲା ଖାଦ୍ୟ ଓ କିଛି ବସ୍ତ୍ର ବନ୍ଧବସ୍ତ କରିଥିଲେ । ଓ ପଞ୍ଚାୟତ ତରଫରୁ ଯାହା କଛି ସହଯୋଗ କରିବେ ବୋଲି କହିଛନ୍ତି ।