Search
Close this search box.

ଜିଲ୍ଲା ଖଣିଜ ପାଣ୍ଠି ବିନିଯୋଗ ସମୀକ୍ଷା ବୈଠକ ଅନୁଷ୍ଠିତ

ଜିଲ୍ଲା ଖଣିଜ ପାଣ୍ଠି ବିନିଯୋଗ ସମୀକ୍ଷା ବୈଠକ ଅନୁଷ୍ଠିତ

ଢେଙ୍କାନାଳ, ତା. ୨୬,୦୪.୨୦୨୩–

ଆଜି ପୂର୍ବାହ୍ନରେ ଜିଲ୍ଲା ପରିଷଦ ସମ୍ମିଳନୀ କକ୍ଷଠାରେ ମାନ୍ୟବର ମନ୍ତ୍ରୀ ଇସ୍ପାତ ଓ ଖଣି, ପୂର୍ଣ ଶ୍ରୀଯୁକ୍ତ ପ୍ରଫୁଲ୍ଲ କୁମାର ମଲ୍ଲିକଙ୍କ ଅଧ୍ୟକ୍ଷତାରେ ଜିଲ୍ଲା ଖଣିଜ ପାଣ୍ଠି ବିନିଯୋଗ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ମାନ୍ୟବର ସାଂସଦ ଶ୍ରୀଯୁକ୍ତ ମହେଶ ସାହୁ, ମାନ୍ୟବର ବିଧାୟକ ଶ୍ରୀଯୁକ୍ତ ସୁଧୀର କୁମାର ସାମଲ, ମାନ୍ୟବର ବିଧାୟକ ଶ୍ରୀଯୁକ୍ତ ଡା. ନୃସିଂହ ଚରଣ ସାହୁ, ମାନ୍ୟବର ବିଧାୟିକା ଶ୍ରୀମତୀ ସୀମାରାଣୀ ନାୟକ ଯୋଗ ଦେଇଥିଲେ । ଅଧିକାରୀମାନେ ଜନପ୍ରତିନିଧୂମାନଙ୍କ ସହିତ ସମନ୍ଵୟ ରକ୍ଷା କରି ବିକାଶ କାର୍ଯ୍ୟ ତ୍ବରାନ୍ବିତ କରିବାକୁ ସଦସ୍ୟମାନେ ପରାମର୍ଶ ଦେଇଥିଲେ ।

ଖଣିଜ ପାଣ୍ଠି ବିନିଯୋଗ କରି ପରଜଙ୍ଗ ବ୍ଲକର ପ୍ରଭାବିତ ୨୦ଟି ଗ୍ରାମ ପଞ୍ଚାୟତର ବିକାଶ ନିମନ୍ତେ ଅଧ୍ବକ ଧ୍ୟାନ ଦେବାକୁ ମାନ୍ୟବର ମନ୍ତ୍ରୀ ବିଭାଗୀୟ ଅଧିକାରୀ ମାନଙ୍କୁ ପରାମର୍ଶ ଦେଇଛନ୍ତି । ଗାଇଡ ଲାଇନ ଅନୁସାରେ ଖଣିଜ ପାଣ୍ଠି ବିନିଯୋଗ ନିମନ୍ତେ ନିୟମିତ ବୈଠକ କରି ପ୍ରକଳ୍ପ ଯୋଜନା ପ୍ରସ୍ତୁତ କରି କାର୍ଯ୍ୟ ତ୍ବରାନ୍ବିତ କରିବାକୁ ସଦସ୍ୟମାନେ ଗୁରୁତ୍ବାରୋପ କରିଛନ୍ତି ।

ଜିଲ୍ଲାରେ ହେଉଥିବା ବିଭିନ୍ନ ଜନହିତକର କାର୍ଯ୍ୟକ୍ରମ ସମ୍ପର୍କରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ ବୈଠକରେ ଅବଗତ କରାଇଥିଲେ ।

ଜିଲ୍ଲା ଖଣିଜ ପାଣ୍ଠି ବିନିଯୋଗରେ ସ୍କୁଲ, କଲେଜର ଆନୁଷଙ୍ଗିକ ବିକାଶ କରିବା, ମହିଳା ଓ ଶିଶୁମାନଙ୍କ ଉନ୍ନତି ପାଇଁ ଅଧିକ ପାଣ୍ଠି ବିନିଯୋଗ କରିବା, ସଦେଇ ବେରେଣୀସ୍ଥିତ କଳାକୃତି ଗ୍ରାମର ଉନ୍ନତି ବିଧାନ ପାଇଁ ବୈଠକରେ ଆଲୋଚନା ହୋଇଥିଲା। ବିଭିନ୍ନ ପ୍ରକଳ୍ପ ନିମନ୍ତେ ୫ କୋଟି ୯୦ ଲକ୍ଷର ଖଣିଜ ପାଣ୍ଠିର ବିନିଯୋଗ ହେବ ବୋଲି ଜଣାଯାଇଛି ।

ଏହି ବୈଠକରେ ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ଓ ନିର୍ବାହୀ ଅଧିକାରୀ ଶ୍ରୀ ତନ୍ମୟ କୁମାର ଦରୱାନ, ସମ୍ପୃକ୍ତ ବିଭାଗୀୟ ଅଧିକାରୀ, ବିଡିଓମାନେ ଯୋଗ ଦେଇଥିଲେ । ଜିଲ୍ଲା ପରିଷଦ ଅତିରିକ୍ତ ନିର୍ବାହୀ ଅଧିକାରୀ ଶ୍ରୀ ସରୋଜ କୁମାର ଦଉ (ପ୍ରଶାସନ) ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।

Recent Post

Live Cricket Update

You May Like This

× How can I help you?