ନାବାଳିକାକୁ ଅପହରଣ କରି ନାବାଳକ ଗିରଫ

ଅନୁଗୋଳ ଜିଲ୍ଲା ବଅଁରପାଳ ଥାନା ଅନ୍ତର୍ଗତ ଅଞ୍ଚଳରେ ଗତ ମାସରେ ଜଣେ ନାବାଳକ ଅନ୍ୟ ଜଣେ ନାବାଳିକାଙ୍କୁ ପ୍ରେମ କରି ଅପହରଣ କରି ରଖିଥିବା ଅଭିଯୋଗରେ ନାବାଳକ ଗିରଫ ହୋଇଛି।ସୂଚନା ଅନୁଯାୟୀ ୧୭ ବର୍ଷୀୟ ନାବାଳକ ପ୍ରେମ କରି ଫୁଶୁଳେଇ ଜଣେ ୧୬ ବର୍ଷୀୟ ନାବାଳିକାଙ୍କୁ ଗତ ଏକ ମାସ ତଳେ ନେଇ କେଉଁ ଆଡ଼େ ପଳେଇ ଯାଇଥିଲେ।ନାବାଳିକାଙ୍କ ପରିବାର ଲୋକ ବଅଁରପାଳ ଥାନାରେ ଅଭିଯୋଗ କ୍ରମେ ପୁଲିସ ଏକ ମାମଲା କେସ ନଂ ୧୦୩ ତାରିଖ ୨୫/୩/୨୦୨୩, ଦଫା ୩୬୩,୩୬୬,୩୭୬,(୨)(ଏନ) ୩୭୩,(୩)ଆଇପିସି ୬ ପୋସ୍କୋ ଦଫାରେ ରୁଜ୍ଜୁ ଘଟଣାର ତଦନ୍ତ ଆରମ୍ଭ କରିଥିଲେ।ଗତକାଲି ନରସିଂହପୁର ଅଞ୍ଚଳରୁ ଉଭୟଙ୍କୁ ଉଦ୍ଧାର କରି ଥାନାକୁ ଆଣିଥିଲେ ଉଭୟଙ୍କ ଡାକ୍ତରୀ ପରୀକ୍ଷା କରିବା ପରେ ନାବାଳକକୁ ଶିଶୁ କାରାଗାରକୁ ପଠାଇ ଥିବା ବେଳେ ନାବାଳିକାଙ୍କୁ ପରିବାର ଲୋକଙ୍କୁ ହସ୍ତାନ୍ତର କରିଥିଲେ।