ଗୁଳି ମାଡ଼ରେ ଅନ୍ୟ ଜଣେ ସାଙ୍ଗ ଗୁରୁତର, ଗୁଳିକାଣ୍ଡର କାରଣ ଅସ୍ପଷ୍ଟ।
କେନ୍ଦୁଝର ଜିଲ୍ଲା ଅନ୍ତର୍ଗତ ହରିଚନ୍ଦନପୁର ଥାନା ସିଂଘବିଲା ନିକଟରେ ଗତକାଲି ରାତିରେ ଗୁଳିକାଣ୍ଡ ଘଟିଥିବା ନେଇ ସୂଚନା ଥିବାବେଳେ ସାମାନ୍ୟ ବଚସାକୁ ନେଇ ସାଙ୍ଗ ସାଙ୍ଗକୁ ଗୁଳିକରିଥିବା ଶୁଣିବାକୁ ମିଳେ । ଗୁରୁତର ଆହତ ଅବସ୍ଥାରେ ପୂର୍ଣ୍ଣଚନ୍ଦ୍ର ଦାସଙ୍କୁ ପ୍ରଥମେ ହରିଚନ୍ଦନପୁର ମେଡିକାଲରେ ଭର୍ତି କରାଯାଇଥିଲା। ତାଙ୍କର ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ବଡ଼ମେଡ଼ିକାଲ କୁ ସ୍ଥାନାନ୍ତର କରାଯାଇଛି ।ପୂର୍ଣ୍ଣଚନ୍ଦ୍ରଙ୍କ ମୁଣ୍ଡରେ ଗୁଳି ବାଜିଥିବା ସୁଚନା ମିଳିଛି। ଖବର ପାଇ ହରିଚନ୍ଦନପୁର ପୋଲିସ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ ଚଳାଇଛି। ଘଟଣା ଘଟାଇବା ପରେ ଯୁବକ ଜଣକ ଫେରାର ହୋଇଯାଇଥିବା ନେଇ ସୂଚନା । ଗୁଳିକାଣ୍ଡର କାରଣ ଅସ୍ପଷ୍ଟ ରହିଛି । ସୂଚନା ଅନୁଯାୟୀ ଉଭୟ ସାଙ୍ଗ ବାଙ୍ଗାଲୋର ରେ ଏକତ୍ରିତ ରହି କାମକରୁଥିବା ବେଳେ ରଜପର୍ବ ପାଳନ କରିବାକୁ ଘରକୁ ଆସିଥିଲେ । ଏମିତିକି ଯାହାକି ଦେଖଣା ହାରୀଙ୍କ କହିବା ଅନୁଯାୟୀ ଗୁଳିକାଣ୍ଡ ପୂର୍ବରୁ ଦୁଇଜଣ ବାଇକରେ ସାଙ୍ଗହୋଇ ବୁଲୁଥିଲେ । ପୋଲିସ ଘଟଣା ସଂପର୍କରେ ଅନୁସନ୍ଧାନ ଚଳାଇଛି ତଦନ୍ତପରେ ପ୍ରକ୍ରୁତ ଗୁଳିକାଣ୍ଡ ର ପ୍ରକୃତ କାରଣ ସାମ୍ନା କୁ ଆସିପାରିବ ବୋଲି ଅନୁମାନ ।
କେନ୍ଦୁଝର ଜିଲ୍ଲାରୁ ସରୋଜ କୁମାର ମହାପାତ୍ରଙ୍କ ରିପୋର୍ଟ ଜାଗ୍ରତ ଭାରତ ନିଉଜ
