ଗଣେଶ ପୂଜା ପ୍ରସ୍ତୁତି ବୈଠକ ଅନୁଷ୍ଠିତ

ଗଣେଶ ପୂଜା ପ୍ରସ୍ତୁତି ବୈଠକ ଅନୁଷ୍ଠିତ

ଢେଙ୍କାନାଳ:୦୫/୦୯– ଆଜି ପୂର୍ବାହ୍ନରେ ଜିଲ୍ଲାପାଳ କାର୍ଯ୍ୟାଳୟସ୍ଥିତ ସଦଭାବନା ସଭାଗୃହରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀଙ୍କ ଅଧ୍ୟକ୍ଷତାରେ ଗଣେଶ ପୂଜା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଚଳିତ ବର୍ଷ ଗଣେଶ ପୂଜା କିଭଳି ଶାନ୍ତିଶୃଙ୍ଖଳାର ସହିତ ବ୍ୟବସ୍ଥିତ ଢଙ୍ଗରେ ପରିଚାଳନା କରାଯିବ ସେ ଦିଗରେ ଜିଲ୍ଲାପାଳ ଅଧିକ ଗୁରୁତ୍ବାରୋପ କରିଥିଲେ । ଏବଂ ଏହି ଦିଗରେ କାର୍ଯ୍ୟ କରିବା ପାଇଁ ସେ ମିଳିତ ଶ୍ରୀ ଗଣେଶ ପୂଜା କମିଟି ଏବଂ ସମସ୍ତ ପୂଜା ମଣ୍ଡପର ସଭାପତି ଓ ସମ୍ପାଦକ ଏବଂ କର୍ମକର୍ତ୍ତାମାନଙ୍କର ସହଯୋଗ କାମାନା କରିଥିଲେ । ଏହାସହିତ ସେ ବଳପୂର୍ବକ ଚାନ୍ଦା ଆଦାୟକୁ ପ୍ରଶୟ ନଦେବାକୁ ସମସ୍ତ ପୂଜାକମିଟିଙ୍କୁ କହିଥିଲେ ।
ବୈଠକର ସାଗତ ଭାଷଣ ଉପଜିଲ୍ଲାପାଳ ଶ୍ରୀ ନାରାୟଣ ଚନ୍ଦ୍ର ନାୟକ ପ୍ରଦାନ କରିଥିଲେ । ଏହାପରେ ସଭାକାର୍ଯ୍ୟ ପରିଚାଳନା ମିଳିତ ଶ୍ରୀ ଗଣେଶ ପୂଜା କମିଟିର ସଭାପତି ଶ୍ରୀ ୧୯ ତାରିଖରେ ସହରର୩୭ଟି ପୂଜା ମଣ୍ଡପରେ ପୂଜା କାର୍ଯ୍ୟ
ସୁଧାଂଶୁ ଶେଖର ଦଳେଇ କରିଥିଲେ । ଏହିବର୍ଷ ସେପ୍ଟେମ୍ବର କରାଯିବ ଏବଂ ସେପ୍ଟେମ୍ବର ୨୫ ତାରିଖରେ ବିସର୍ଜନ ଉତ୍ସବ ଓ ଭସାଣିଶୋଭାଯାତ୍ରା କରାଯିବ । ବିଠକରେ ନିଆଯାଇଥିବା ନିଷ୍ପତି ଅନୁଯାୟୀ କାଠଶଙ୍ଖ, କୁଞ୍ଜକାନ୍ତ ଏବଂ ଜେଲ ପୋଖରିରେମୂର୍ତ୍ତିଗୁଡିକର ବିସର୍ଜନ କରାଯିବ ।
ସମସ୍ତ ପୂଜାମଣ୍ଡପ ପୂଜା ପେଣ୍ଡାଲ କରିବା ପାଇଁ ପୌରପାଳିକାରୁ, ଲାଇଟ୍ ଏବଂ ବିଦ୍ୟୁତ ଉପକରଣ ବ୍ୟବହାର ପାଇଁ ଅଗ୍ନିଶମ ବିଭାଗରୁ ଏବଂ ସାଉଣ୍ଡ ଓ ଭସାଣୀ ଶୋଭାଯାତ୍ରା ପାଇଁ ପୋଲିସ ବିଭାଗରୁ ଅନୁମତି ନେବାପାଇଁ ବାଧ୍ୟତାମୂଳକ କରାଯାଇଛି । ସର୍ବୋଚ୍ଚ ନ୍ୟାୟାଳୟଙ୍କର ଆଦେଶ ଅନୁଯାୟୀ ଡିଜେ ସାଉଣ୍ଡର ବ୍ୟବହାର ଉପରେ ପ୍ରତିବନ୍ଧକ ଲଗାଯାଇଛି ।
ଭସାଣୀ ଶୋଭାଯାତ୍ରୀ ପାଇଁ ସମସ୍ତ ପୂଜା ପ୍ରତିଷ୍ଠାନଗୁଡିକର ମେଢ ସକାଳ ୭ଘଟିକାରୁ ନିଜ ନିଜ ମଣ୍ଡପରୁ ବାହାରି ମିନି ଷ୍ଟାଡିୟମରେ ସକାଳ ୮ ମଧ୍ୟରେ ପହଂଚିବେ । ସେଠାରେ ମେଢର ଲଟେରି କ୍ରମାଙ୍କ ହେଲାପରେ ସକାଳ ୯ ଘଟିକାରୁ ଭସାଣୀ ଶୋଭାଯାତ୍ରା ଆରମ୍ଭ ହେବ ଏବଂ ସନ୍ଧ୍ୟା ୭ ଘଟିକାରେ ଶେଷ କରାଯିବ ।

ଭସାଣୀ ଯାତ୍ରାକୁ ଅଧିକ ବ୍ୟବସ୍ଥିତ ଓ ଶାନ୍ତିଶୃଙ୍ଖଳା ସହ ଶେଷ କରିବା ପାଇଁ ସମସ୍ତ ପୂଜାମଣ୍ଡପର କର୍ମକର୍ତ୍ତା ମାନଙ୍କୁ ପରିଚୟ ପତ୍ର ପ୍ରଦାନ କରିବା ପାଇଁ ଜିଲ୍ଲାପାଳ ମିଳିତ ଶ୍ରୀ ଗଣେଶ ପୂଜା କମିଟିର ସଭାପତିଙ୍କୁ କହିଥିଲେ । ଏହା ସହିତ ସମୟ ମଧ୍ୟରେ ଶୋଭାଯାତ୍ରା ସାରିବାକୁ ମଧ୍ୟ ସେ କହିଥିଲେ ।
ଆଇନଶୃଙ୍ଖଳା ରକ୍ଷା କରିବା ପାଇଁ ବିସର୍ଜନ ଦିନ ସହରର ସମସ୍ତ ମଦ ଦୋକାନଗୁଡିକ ବନ୍ଦ ରଖିବାକୁ ଜିଲ୍ଲାପାଳ ଅବକାରୀ ବିଭାଗକୁ ନିର୍ଦ୍ଦେଶ ଦେଇଛନ୍ତି । ଏହାସହିତ ଟ୍ରାଫିକ ନିୟନ୍ତ୍ରଣ ଏବଂ ଶାନ୍ତିଶୃଙ୍ଖଳାର ସହ କିପରି ପୂଜା ଓ ଭସାଣୀ ଶୋଭାଯାତ୍ରା କରାଯିବ ସେଥିପାଇଁ ଆବଶ୍ୟକୀୟ ପୋଲିସ ନିୟୋଜିତ କରିବା ପାଇଁ ସେ ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ଜ୍ଞାନରଞ୍ଜନ ମହାପାତ୍ରଙ୍କୁ କହିଥିଲେ । ପୂଜା ସମୟରେ ସହରର ପରିଚ୍ଛନ୍ନତା ଏବଂ ପ୍ଲାଷ୍ଟିକ ବ୍ୟବହାର ଉପରେ ଲଗାଯାଇଥିବା କଟକଣାକୁ କାର୍ଯ୍ୟକରିବା ପାଇଁ ଓ ଯେଉଁ ପୋଖୋରୀ ପାଖରେ ବିସର୍ଜନ କରାଯିବ ସେଠାରେ କୃତ୍ରିମ ବିସର୍ଜନ ସ୍ଥଳୀ ଏବଂ ଲାଇଟ ବ୍ୟବସ୍ଥା କରିବା ପାଇଁ ଜିଲ୍ଲାପାଳ ପୌରପାଳିକାର ନିର୍ବାହୀ ଅଧିକାରୀ ଶ୍ରୀ ଦେବି ପ୍ରସାଦ ରାଉତଙ୍କୁ କହିଛନ୍ତି ।
ସମସ୍ତ ପୂଜା କମିଟି ମଧ୍ୟରୁ ସୁନ୍ଦର ମୂର୍ତ୍ତି, ମେଢ, ପାରିପାର୍ଶ୍ବକ ସାଜସଜା ଓ ଶୃଙ୍ଖଳା ନିମନ୍ତେ ପ୍ରଥମ, ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ପୂଜାମଣ୍ଡପ ମାନଙ୍କୁ ଜିଲ୍ଲା ପ୍ରଶାସନ ତରଫରୁ ଆସନ୍ତା ସାଧାରଣତନ୍ତ୍ର ଦିବସର୍ ପୁରସ୍କୃତ କରାଯିବ । ବୈଠକର ଶେଷରେ ଅତିରିକ୍ତ ଜିଲ୍ଲାପାଳ (ସାଧାରଣ) ଶ୍ରୀ ରମେଶ ଚନ୍ଦ୍ର ସେଠି ଧନ୍ୟବାଦ ଅର୍ପଣ କରିଥିଲେ ।
ଏହି ବୈଠକରେ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡା. ଅଶୋକ କୁମାର ଦାଶ, ଢେଙ୍କାନାଳ ତହସିଲଦାର, ଅତିରିକ୍ତ ଆରକ୍ଷୀ ଅଧିକ୍ଷକ, ଟାଉନଥାନା ଅଧିକାରୀ,ଅନ୍ୟାନ ବିଭାଗୀୟ ଅଧିକାର, ମିଳିତ ଶ୍ରୀ ଗଣେଶ ପୂଜା କମିଟିର ସମ୍ପାଦକ ଶ୍ରୀ ବିଶ୍ବନାଥ ବେହେରା ଏବଂ ଅନ୍ୟ କାର୍ଯ୍ୟକାରୀ ସଦସ୍ୟ ଓ ସମସ୍ତ ପୂଜା ମଣ୍ଡପର ସଭାପତି, ସମ୍ପାଦକ ଓକର୍ମକର୍ତା ମାନେ ଯୋଗ
ଦେଇଥିଲେ ।