ମୋବାଇଲ ଚୋର ଗିରଫ: ୪ ମୋବାଇଲ ଜବତ। ଭୁକ୍ତା ବଜାର ରୁ ମୋବାଇଲ ଚୋର ଧରାପଡ଼ି ଜେଲ ଗଲା
ଅମ୍ବାଭୋନା:-୨୭/୦୯/୨୦୨୩-ବରଗଡ ଜିଲ୍ଲା ଅମ୍ବାଭୋନା ଥାନା ଅନ୍ତର୍ଗତ ଭୁକ୍ତା ସାପ୍ତାହିକ ବଜାର ପ୍ରାଙ୍ଗଣରୁ ବୁଧବାର ଦିନ ଲୋକମାନଙ୍କ ପକେଟ ରୁ ମୋବାଇଲ ଚୋରି କରୁଥିବା ବେଳେ ଲୋକଙ୍କ ହାବୁଡ଼ରେ ଧରାପଡ଼ିବା ପରେ ଅମ୍ବାଭୋନା ପୋଲିସ କୁ ଜିମା ଦେଲେ ସ୍ଥାନୀୟ ଲୋକେ । ପ୍ରକାଶ ଥାଉକି ବୁଧବାର ଦିନ ପନିପରିବା କିଣିବାକୁ ଯାଇଥିବା ଚିଚୋଲି ନିବାସୀ ବିଶ୍ଵାମିତ୍ର ସା ଙ୍କ ପକେଟ ରୁ ମୋବାଇଲ ଚୋରି ହେଲା।ପରେ ଖିଜୁପାଲି ଗ୍ରାମ ର ସୁବାସ ଦେହେରୀ ଙ୍କ ମୋବାଇଲ ଚୋରି ହେଲା। ଗୋଟିଏ ଘଣ୍ଟା ମଧ୍ୟରେ ରୁଚିଦା ଗ୍ରାମ ର ତୁଷାର କାନ୍ତ ରଥ ଙ୍କ ପକେଟ ରୁ ମୋବାଇଲ ଚୋରି କରୁଥିବା ବେଳେ ତାଙ୍କ ହାବୁଡ଼ରେ ଚୋର ଧରାପଡ଼ିଲା। ଖବର ପାଇ ଅମ୍ବାଭୋନା ପୋଲିସ ସମ୍ପୃକ୍ତ ମୋବାଇଲ ଚୋର ଗଞ୍ଜାମ ଜିଲ୍ଲାର ଆସ୍କା ଥାନା ଅନ୍ତର୍ଗତ ଝଗଡ଼ାଇ ଗ୍ରାମ ର କାର୍ତ୍ତିକ ଦାସ (୨୨ ବର୍ଷ)କୁ ଗିରଫ କରି ତାଙ୍କ ଠାରୁ ୪ଟି ଚୋରି ମୋବାଇଲ ଜବତ କରିଥିଲେ।ଏ ନେଇ ଅମ୍ବାଭୋନା ଥାନା ରେ କେଶ ନଂ -୧୯୮ ଆଇ.ପି.ସି.ଧାରା ୩୭୯ରେ ମାମଲା ରୁଜୁ କରି କୋର୍ଟ ଚାଲାଣ କରିଥିଲେ। ସେଠାରେ ତାଙ୍କ ଜାମିନ ନାମଞ୍ଜୁର ହେବାରୁ ତାଙ୍କୁ ବରଗଡ଼ ଉପକାରାଗାରକୁ ପଠାଇ ଦିଆଯାଇଛି। ଭୁକ୍ତା ରୁ ପ୍ରକାଶ ଚନ୍ଦ୍ର ରଥ ଙ୍କ ରିପୋର୍ଟ ଜାଗ୍ରତ ଭାରତ ନ୍ୟୁଜ୍
