ବଅଁରପାଳ,୨୮.୧୨- ଏହି ବ୍ଲକ ଅନ୍ତର୍ଗତ ଗଡ଼ସନ୍ତ୍ରୀ ଗ୍ରାମ ମା’ ଲୋଭୀ ଠାକୁରାଣୀ ଯାତ୍ରାପଡିଆରେ ଅନୁଗୋଳ ନିର୍ବାଚନ ମଣ୍ଡଳୀର ‘ଆମ ଓଡିଶା, ନବୀନ ଓଡିଶା ‘ କାର୍ଯ୍ୟକ୍ରମରେ ଯୋଗ ଦେଇଥିଲେ ବିଜେଡି ନେତା ତଥା ୫ ଟି ଓ ଆମ ଓଡିଶା ନବୀନ ଓଡିଶାର ଅଧ୍ୟକ୍ଷ ଭି କେ ପାଣ୍ଡିଆନ l ପୂର୍ବାହ୍ନ ୧୧ଟାରେ ହେଲି କପ୍ଟରରେ କାର୍ଯ୍ୟକ୍ରମସ୍ଥଳରେ ପହଞ୍ଚି ପ୍ରଥମେ ଅଞ୍ଚଳର ଅଧଷ୍ଠାତ୍ରୀ ଦେବୀ ମା’ ଲୋଭୀ ଠାକୁରାଣୀଙ୍କୁ ଦର୍ଶନ କରି ସଭାମଞ୍ଚକୁ ଯାଇଥିଲେ l ନିଜ ଉଦବୋଧନରେ ସେ କହିଥିଲେ ଯେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେବା ମନୋବୃତ୍ତି ନେଇ ରାଜନୀତି କରନ୍ତି l ସାଢେ ୪ କୋଟି ଓଡ଼ିଶାବାସୀ ତାଙ୍କ ପରିବାର l ଗରିବ, ଅସହାୟ ଓ ନିରାଶ୍ରୟଙ୍କ ମୁହଁରେ ହସ ଫୁଟାଇବା ତାଙ୍କ ଲକ୍ଷ l ପୂର୍ବରୁ ମୁଖ୍ୟମନ୍ତ୍ରୀଙ୍କ ନିର୍ଦେଶକ୍ରମେ ତାଙ୍କର ଗସ୍ତ ସମୟରେ ଅନୁଗୋଳ ନିର୍ବାଚନ ମଣ୍ଡଳୀରୁ ହସ୍ତଗତ ହୋଇଥିବା ବିଭିନ୍ନ ଆପତ୍ତି ଓ ଅଭିଯୋଗ ଅନୁଯାୟୀ ମୁଖ୍ୟମନ୍ତ୍ରୀଙ୍କ ଅନୁମୋଦନକ୍ରମେ ୧oo କୋଟି ଟଙ୍କା ମଂଜୁର କରାଯାଇଛି l ଏଥିରେ ବିଭିନ୍ନ ସ୍ୱାସ୍ଥ୍ୟକେନ୍ଦ୍ରର ଉନ୍ନତିକରଣ, ପୁରାତନ ଧର୍ମାନୁଷ୍ଠାନର ପୁନଃରୁଦ୍ଧାର ଓ ବିଭିନ୍ନ ଶିକ୍ଷାନୁଷ୍ଠାନ ରୂପାନ୍ତରିକରଣ ସହ ବିଭିନ୍ନ ଉନ୍ନୟନମୂଳକ କାର୍ଯ୍ୟ ହେଇଛି ଓ ହେବ ବୋଲି କହିବା ସହ ବିରୋଧୀ ଦଳଙ୍କୁ କଡା ସମାଲୋଚନା କରିଥିଲେ l ସେମାନଙ୍କ ପାଖରେ କୌଣସି ଇସ୍ୟୁ ନଥିବାରୁ ମୁଖ୍ୟମନ୍ତ୍ରୀଙ୍କ ଲୋକପ୍ରିୟତlରେ ଇର୍ଷlନ୍ୱିତ ହୋଇ ଭୋକ ବିକଳରେ ତାଟିଆ କାମୁଡା ନୀତି ଧରିବା ସହ ବିଭିନ୍ନ କୁତ୍ସାରଟନା କରୁଛନ୍ତି ବୋଲି କହିବା ସହ ଭଗବାନ ସେମାନଙ୍କୁ ସଦବୁଦ୍ଧି ଦିଅନ୍ତୁ ବୋଲି କହିଥିଲେ l ଏହି ଅବସରରେ ସେ ୫୫ ନଂ ଜାତୀୟ ରାଜପଥର ଦୁରାବସ୍ଥା ପ୍ରସଙ୍ଗ ଉଠାଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନାମ ନନେଇ କଡା ସମାଲୋଚନା କରିଥିଲେ l ଓଡ଼ିଶାର ସମସ୍ତ ଜାତୀୟ ରାଜପଥର ଅବସ୍ଥା ଭଲ ଥିବାବେଳେ ବିଗତ ୭ ବର୍ଷରୁ ଊର୍ଧ୍ୱ ହେଲା ୫୫ନଂ ଜାତୀୟ ରାଜପଥର ପ୍ରଶସ୍ତିକରଣ କାର୍ଯ୍ୟ ସମ୍ପୂର୍ଣ ହୋଇପାରିଲା ନାହିଁ l ଯେଉଥି ପାଇଁ ରାଜପଥର ଦୁରାବସ୍ଥା ଯୋଗୁଁ ଦୁର୍ଘଟଣା ଘଟି ବହୁ ଧନଜୀବନ ଅକାଳରେ ଯିବାସହ ବହୁତ ପଙ୍ଗୁ ହୋଇ ଯାଇଛନ୍ତି l ଏହି ପ୍ରକ୍ରିୟା ବର୍ତ୍ତମାନ ସୁଦ୍ଧା ଚାଲିଛି l କେନ୍ଦ୍ରମନ୍ତ୍ରୀ ବାରମ୍ବାର ଏହି ଅଞ୍ଚଳ ଗସ୍ତ କରୁଥିଲେ ସୁଦ୍ଧା ୫୫ ନଂ ଜାତୀୟ ରାଜପଥ ବାବଦରେ କେବେହେଲେ ପଦଟିଏ ସୁଦ୍ଧା ଟୀକlଟିପ୍ପଣୀ ଦେଉନାହାନ୍ତି ବୋଲି କଟାକ୍ଷ କରିଥିଲେ l କାର୍ଯ୍ୟକ୍ରମ ପରେ ଅପରାହ୍ନ ୧୨. ୩o ରେ ଶ୍ରୀ ପାଣ୍ଡିଆନ ପାଲଲହଡା ନିର୍ବାଚନ ମଣ୍ଡଳୀ ଅନ୍ତର୍ଗତ ଖମାର ଠାରେ ଆୟୋଜିତ କାର୍ଯ୍ୟକ୍ରମରେ ଯୋଗ ଦେବାପାଇଁ ଯାଇଥିଲେ l ଉକ୍ତ କାର୍ଯ୍ୟକ୍ରମରେ ଅନୁଗୋଳ ବିଧାୟକ ରଜନୀକାନ୍ତ ସିଂହ, ଛେଣ୍ଡିପଦା ବିଧାୟକ ସୁଶାନ୍ତ ବେହେରା, ଜିଲ୍ଲା ବିଜେଡି ସଭାପତି ମହେନ୍ଦ୍ର ବସ୍ତିଆ, ଉପ ସଭାପତି ବାଉରୀବନ୍ଧୁ ସାହୁ, ତାମଡା ଅଧ୍ୟକ୍ଷ ମୀନକେତନ ଅମାନ୍ତ,ବସୁଧା(ଗ୍ରାମାଞ୍ଚଳ) ର ଉପଦେଷ୍ଠା ଦିନେଶ କୁମାର ପ୍ରଧାନ, ବଅଁରପାଳ ବ୍ଲକ ଅଧ୍ୟକ୍ଷ ବିଜୟ କୁମାର ନାଥ, ଜିଲ୍ଲା ବିଜେଡି ଉପ ପର୍ଯ୍ୟବେକ୍ଷକ ଚିନ୍ମୟ ସାହୁ, ଅନୁଗୋଳ ପୌରାଧ୍ୟକ୍ଷ ଅକ୍ଷୟ କୁମାର ସାମନ୍ତ, ଯୁବ ବିଜେଡି ନେତା ଅରୁଣାଭ ସିଂହ, ଦୁର୍ଗାପ୍ରସାଦ ପ୍ରଧାନଙ୍କ ସମେତ ସମସ୍ତ ବିଜେଡି ଜିଲ୍ଲା ପରିଷଦ ସଦସ୍ୟ, ସରପଞ୍ଚ ଓ ସମିତି ସଭ୍ୟମାନେ ଯୋଗ ଦେଇଥିଲେ l
