ଜିନ୍ଦଲ ଷ୍ଟିଲ୍ ଆଣ୍ଡ ପାୱାର୍ ପକ୍ଷରୁ ନବୀନ ଜିନ୍ଦଲଙ୍କ ଜନ୍ମଦିନ, ଫିଟନିସ୍ ଦିବସ ଭାବେ ପାଳିତ
– ସ୍ଥାନୀୟ ସଂପ୍ରଦାୟ ପାଇଁ କଲ୍ୟାଣକାରୀ ପଦକ୍ଷେପ
– ସାମୁଦାୟିକ ସୁବିଧାକୁ ସମାଜ ପାଇଁ ସମର୍ପିତ
ଅନୁଗୁଳ, ୦୯ ମାର୍ଚ୍ଚ : ଜିନ୍ଦଲ ଷ୍ଟିଲ୍ ଆଣ୍ଡ୍ ପାୱାର (ଜେଏସପି)ର କର୍ମଚାରୀମାନେ ସ୍ଥାନୀୟ ସମ୍ପ୍ରଦାୟର ସଦସ୍ୟମାନଙ୍କ ସହିତ ଏକତ୍ରିତ ହୋଇ ଜେଏସପିର ଅଧ୍ୟକ୍ଷ ଶ୍ରୀ ନବୀନ ଜିନ୍ଦଲଙ୍କ ଜନ୍ମଦିନ ବେଶ ଧୂମଧାମରେ ପାଳନ କରିଛନ୍ତି। ଏହି ଜନ୍ମଦିନ ଉତ୍ସବରେ ସାମାଜିକ ତଥା ସୁସ୍ଥ ସ୍ୱାସ୍ଥ୍ୟଗଠନ ସମ୍ପର୍କିତ ଏକାଧିକ କାର୍ଯ୍ୟକ୍ରମର ଆୟୋଜନ କରାଯାଇଥିଲା ।
ଏହି ଅବସରରେ ଦେବଭୂମି ସ୍ଥିତ ଜିନ୍ଦଲ ମନ୍ଦିରରେ ଏକ ସ୍ୱତନ୍ତ୍ର ପୂଜା ସହିତ ଉତ୍ସବ ଆରମ୍ଭ ହୋଇଥିଲା। ସକାଳେ, ଜେଏସପି ଅନୁଗୁଳ ପ୍ଲାଣ୍ଟର ମୁଖ୍ୟ ତଥା କାର୍ଯ୍ୟନିର୍ବାହୀ ନିର୍ଦ୍ଦେଶକ ଶ୍ରୀ ପଙ୍କଜ ମାଲହାନ ଜିନ୍ଦଲ ନଗର ଟାଉନସିପ୍ ମଧ୍ୟରେ ଏକ ମିନି-ମାରାଥନକୁ ପତାକା ଦେଖାଇ ଶୁଭାରମ୍ଭ କରିଥିଲେ। ଏହି କାର୍ଯ୍ୟକ୍ରମରେ ଜେଏସପିର କର୍ମଚାରୀ, ସେମାନଙ୍କ ପରିବାର, ସମ୍ପ୍ରଦାୟର ସଦସ୍ୟ ଏବଂ ସମସ୍ତ ବୟସ ବର୍ଗର ସଦସ୍ୟମାନେ ବେଶ ଉତ୍ସାହର ସହ ଅଂଶଗ୍ରହଣ କରିଥିଲେ। ଏହି ମିନି-ମାରାଥନର ବିଜେତାମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା ।
ସାମୁଦାୟିକ କଲ୍ୟାଣ ପ୍ରତି ଏହାର ପ୍ରତିବଦ୍ଧତାର ଅଂଶ ସ୍ୱରୂପ, ଜିନ୍ଦଲ ଫାଉଣ୍ଡେସନ ପକ୍ଷରୁ ଅନୁଗୁଳ ପ୍ଲାଣ୍ଟ ସଂଲଗ୍ନ ଗୋଲାବନ୍ଧ ଗ୍ରାମରେ ନୂତନ ଭାବରେ ବିକଶିତ ଖେଳପଡ଼ିଆରେ ଏକ ପାଭିଲିୟନର ଉଦଘାଟନ କରାଯାଇଥିଲା । ଜିନ୍ଦଲ ସିଏସଆରର ସଭାପତି ଏବଂ ଗୋଷ୍ଠୀ ମୁଖ୍ୟ ଶ୍ରୀ ପ୍ରଶାନ୍ତ ହୋତା ଏହି ସୁବିଧାକୁ ଗ୍ରାମବାସୀଙ୍କ ଉଦ୍ଦେଶ୍ୟରେ ଉତ୍ସର୍ଗ କରିଥିଲେ ଏବଂ ଶ୍ରୀ ନବୀନ ଜିନ୍ଦଲଙ୍କ ଲକ୍ଷ୍ୟ ଯେଭଳି ସମସ୍ତ ବୟସର ଲୋକଙ୍କ ପାଇଁ ଜୈବିକ ଖାଦ୍ୟ, କ୍ରୀଡା ଏବଂ ଫିଟନେସ ଉପଲବ୍ଧ ହୋଇ ପାରିବ ତା ଉପରେ ଆଲୋକପାତ କରିଥିଲେ। ବେଣାଗାଡିଆ ଏବଂ ଗୋଲାବନ୍ଧ ଗାଁର ଯୁବକମାନେ ଏହି ଅବସରକୁ ସ୍ମରଣୀୟ କରିବା ପାଇଁ ଏକ ବନ୍ଧୁତ୍ୱପୂର୍ଣ୍ଣ କ୍ରିକେଟ୍ ମ୍ୟାଚ୍ ଖେଳିଥିଲେ।
ଏହା ସହିତ, ନବୀନ ଜିନ୍ଦଲ ସ୍କିଲ୍ ସେଣ୍ଟର, ସେଫ୍ଟି ପାର୍କ, ଭଲିବଲ୍ ଷ୍ଟାଡିୟମ୍ ଏବଂ ଏକ ନୂତନ କ୍ୟାଣ୍ଟିନ୍ ସମେତ ଅନେକ ପ୍ରମୁଖ ଭିତ୍ତିଭୂମି ବିକାଶର ଉଦଘାଟନ କରାଯାଇଥିଲା। ଜେଏସପିର କାର୍ଯ୍ୟନିର୍ବାହୀ ନିର୍ଦ୍ଦେଶକ (ପ୍ରକଳ୍ପ) ଶ୍ରୀଯୁକ୍ତ ଦାମୋଦର ମିତ୍ତଲଙ୍କ ସମେତ ଶ୍ରୀଯୁକ୍ତ ଦିନେଶ ତ୍ରିପାଠୀ, ଶ୍ରୀଯୁକ୍ତ ଦିଲୀପ ସିହ୍ନା, ଯୋଗ ଗୁରୁ ସ୍ୱାମୀ ସତ୍ୟବିନ୍ଦୁ ସରସ୍ୱତୀ, ଶ୍ରୀଯୁକ୍ତ ବିଜୟ ସିଂ, ବ୍ରିଗେଡିୟର ଦୀନେଶ ଶର୍ମା ଏବଂ ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତିଙ୍କ ଉପସ୍ଥିତିରେ ଶ୍ରୀଯୁକ୍ତ ପଙ୍କଜ ମାଲହାନ ଏହି ସବୁ ସୁବିଧାଗୁଡ଼ିକୁ ଉଦଘାଟନ କରିଥିଲେ।
ଏହି ଅବସରରେ ଶ୍ରୀ ପଙ୍କଜ ମାଲହାନ ଅଭିଭାଷଣ ରଖି କହିଥିଲେ ଯେ, ଶ୍ରୀ ନବୀନ ଜିନ୍ଦଲ ଜଣେ ଦୂରଦୃଷ୍ଟିସମ୍ପନ୍ନ ମହାନ ବ୍ୟକ୍ତି, ଜଣେ ଦେଶପ୍ରେମୀ, ଜଣେ ଉତ୍ସାହୀ କ୍ରୀଡାବିତ୍ ଏବଂ ପରିବାର ପ୍ରତି ଜଣେ ସମର୍ପିତ ମଣିଷ । ସେ ଆହୁରି କହିଥିଲେ, “ଶ୍ରୀ ଜିନ୍ଦଲ, ଜେଏସପି ସହିତ ଜଡିତ ସମସ୍ତଙ୍କୁ ତାଙ୍କ ପରିବାରର ଅଂଶ ଭାବରେ ଭାବନ୍ତି। ଜାତୀୟ ଅଭିବୃଦ୍ଧି ଏବଂ ସାମାଜିକ କଲ୍ୟାଣ ପ୍ରତି ତାଙ୍କର ଅଟଳ ପ୍ରତିବଦ୍ଧତା ପ୍ରକୃତରେ ପ୍ରେରଣାଦାୟୀ । ଏହି ବିଶେଷ ଦିନରେ, ଆସନ୍ତୁ ଆମେ ତାଙ୍କ ମୂଲ୍ୟବୋଧକୁ ବଜାୟ ରଖିବା ଏବଂ ସମାଜ ଓ ରାଷ୍ଟ୍ର ପାଇଁ ଆମର ସର୍ବୋତ୍ତମ ଯୋଗଦାନ ଦେବାକୁ ପ୍ରତିଜ୍ଞା କରିବା।”
ସ୍ୱାମୀ ସତ୍ୟବିନ୍ଦୁ ସରସ୍ୱତୀ ମଧ୍ୟ ଶ୍ରୀ ଜିନ୍ଦଲଙ୍କ ସହ ତାଙ୍କର ଅଭିଜ୍ଞତା ବର୍ଣ୍ଣନା କରି କହିଥିଲେ ଯେ, ଶ୍ରୀ ଜିନ୍ଦଲ ତାଙ୍କର ବୃତ୍ତିଗତ ଏବଂ ବ୍ୟକ୍ତିଗତ ଜୀବନରେ କିପରି ଶୃଙ୍ଖଳିତ ଏବଂ ସମର୍ପିତ।
ଶ୍ରୀମତୀ ସୀମା ମାଲହାନ, ଶ୍ରୀମତୀ ଅନିତା ମିତ୍ତଲ ଏବଂ ଶ୍ରୀ ଦାମୋଦର ମିତ୍ତଲ ସମେତ ଅନ୍ୟ ମାନ୍ୟଗଣ୍ୟ ବ୍ୟକ୍ତିମାନେ ଶ୍ରୀ ଜିନ୍ଦଲଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ତାଙ୍କ ନିରନ୍ତର ସଫଳତା ଏବଂ ସୁସ୍ଥତା ପାଇଁ ପ୍ରଭୁ ଜଗନ୍ନାଥଙ୍କ ନିକଟରେ ପ୍ରାର୍ଥନା କରିଥିଲେ।
ଜିନ୍ଦଲ ଫାଉଣ୍ଡେସନ ପକ୍ଷରୁ ମଧ୍ୟ ବିଭିନ୍ନ ସ୍ଥାନରେ ଜନ୍ମଦିନ ଉତ୍ସବ ପାଳନ କରାଯାଇଥିଲା । ଅନୁଗୁଳର ଭଲିବଲ୍ ହୋମ୍, ଟୁର୍ଣ୍ଣାମେଣ୍ଟର ଫାଇନାଲ୍ ମ୍ୟାଚ୍ ଆୟୋଜନ କରିବା ସହିତ, ଶ୍ରୀ ନବୀନ ଜିନ୍ଦଲଙ୍କ ଜନ୍ମଦିନ ମଧ୍ୟ ପାଳନ କରିଥିଲା, ତାଙ୍କୁ ଜଣେ ବହୁମୁଖୀ ପ୍ରତିଭାଶାଳୀ, ଦେଶପ୍ରେମୀ ଶିଳ୍ପପତି ଏବଂ କ୍ରୀଡା ପ୍ରେମୀ ଭାବରେ ପ୍ରଶଂସା କରିଥିଲା।
ଶ୍ରୀଯୁକ୍ତ ନବୀନ ଜିନ୍ଦଲ ବର୍ତ୍ତମାନ କୁରୁକ୍ଷେତ୍ର ଲୋକସଭା ନିର୍ବାଚନମଣ୍ଡଳୀରୁ ତୃତୀୟ ଥର ନିର୍ବଚିତ ହୋଇଛନ୍ତି ଏବଂ ସେ ଭାରତୀୟ ଇସ୍ପାତ ସଂଘର ଅଧ୍ୟକ୍ଷ ମଧ୍ୟ ଅଛନ୍ତି। ତାଙ୍କୁ ଆମେରିକାର ଟେକ୍ସାସ ବିଶ୍ୱବିଦ୍ୟାଳୟ ପକ୍ଷରୁ ଜୀବନବ୍ୟାପୀ ସାଧନା ପୁରସ୍କାରରେ ସମ୍ମାନିତ କରାଯାଇଛି। ଶ୍ରୀଯୁକ୍ତ ନବୀନ ଜିନ୍ଦଲ ଓପି ଜିନ୍ଦଲ ଗ୍ଲୋବାଲ ବିଶ୍ୱବିଦ୍ୟାଳୟର ପ୍ରତିଷ୍ଠାତା କୁଳପତି ମଧ୍ୟ ଅଛନ୍ତି, ଯାହା କ୍ୟୁଏସ୍ ରାଙ୍କିଂ ଅନୁଯାୟୀ ଭାରତର ନମ୍ବର ୧ ଘରୋଇ ବିଶ୍ୱବିଦ୍ୟାଳୟ ଭାବରେ ସ୍ଥାନ ପାଇଛି।
ଚଳିତବର୍ଷ ଜେଏସପି “ସେଲିବ୍ରେଟିଂ ଦି ଲିଗାସି” ନାମରେ ଉତ୍ସବ ପାଳନ କରୁଛି, ଯାହା ଶ୍ରୀଯୁକ୍ତ ନବୀନ ଜିନ୍ଦଲଙ୍କ ଜନ୍ମଦିନ ମାର୍ଚ୍ଚ ୯ରେ ଆରମ୍ଭ ହୋଇଛି ଏବଂ ଜିନ୍ଦଲ ଗ୍ରୁପର ଅଧ୍ୟକ୍ଷା ଶ୍ରୀମତୀ ସାବିତ୍ରୀ ଜିନ୍ଦଲଙ୍କ ଜନ୍ମଦିନକୁ ସମ୍ମାନ ଜଣାଇ ୨୦ ମାର୍ଚ୍ଚରେ ଶେଷ ହେବ। ଏହି ଅବସରରେ କର୍ମଚାରୀ, ପରିବାର ଏବଂ ସମ୍ପ୍ରଦାୟର ସଦସ୍ୟମାନଙ୍କୁ ନିୟୋଜିତ କରିବା ପାଇଁ ଅନେକ କାର୍ଯ୍ୟକ୍ରମ ପ୍ରସ୍ତୁତ କରାଯାଇଛି, ଯାହା ସାମାଜିକ ଦାୟିତ୍ୱ ଏବଂ ଅନ୍ତର୍ଭୁକ୍ତିମୂଳକ ଅଭିବୃଦ୍ଧି ପ୍ରତି ଜେଏସପିର ପ୍ରତିବଦ୍ଧତାକୁ ପ୍ରତିପାଦନ କରୁଛି ।
