ରାୟପୁର: ଛତିଶଗଡ଼ର ବିଜାପୁର ଜିଲ୍ଲାରେ ସୁରକ୍ଷା ବାହିନୀ ନିକଟରେ ୧୯ ଜଣ ନକ୍ସଲ ଆତ୍ମସମର୍ପଣ କରିଛନ୍ତି । ଏଥିମଧ୍ୟରୁ ୯ ଜଣ ନକ୍ସଲଙ୍କ ଉପରେ ମୋଟ ୨୮ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା ।
ଏସଏସପି ଜିତେନ୍ଦ୍ର କୁମାର ଯାଦବ କହିଛନ୍ତି ଯେ ଆତ୍ମସମର୍ପଣ କରିଥିବା ନକ୍ସଲବାଦୀମାନେ ମାଓ ସଂଗଠନର ‘ଖାଲି’ ଏବଂ ‘ଅମାନବୀୟ’ ଚିନ୍ତାଧାରା ପ୍ରତି ହତାଶ ହୋଇ ଏହି ପଦକ୍ଷେପ ନେଇଛନ୍ତି ।ସେମାନେ ନକ୍ସଲ ସଂଗଠନର ବାଟାଲିୟନ ନମ୍ବର ୧ର ବରିଷ୍ଠ ସଦସ୍ୟ ଥିଲେ ଏବଂ ଜଣଙ୍କ ଉପରେ ୮ ଲକ୍ଷ ଟଙ୍କା ଲେଖାଏଁ ପୁରସ୍କାର ଘୋଷଣା କରାଯାଇଥିଲା ।ସେ କହିଛନ୍ତି ଯେ ନକ୍ସଲ ସଂଗଠନରେ ବରିଷ୍ଠ କମାଣ୍ଡରମାନଙ୍କ ଦ୍ୱାରା ନିରୀହ ଆଦିବାସୀମାନଙ୍କୁ ଶୋଷଣ କରାଯାଉଛି, ଯାହାଦ୍ୱାରା ନିମ୍ନ ସ୍ତରର କର୍ମୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଛି । ଏହା ବ୍ୟତୀତ, ସରକାରଙ୍କ ଦ୍ୱାରା ପ୍ରତିଷ୍ଠିତ ସୁରକ୍ଷା ବାହିନୀ ଶିବିର ଏବଂ ‘ନିଆ ନେଲାନାର’ ଯୋଜନା ଅଧୀନରେ କରାଯାଉଥିବା ବିକାଶ କାର୍ଯ୍ୟ ଦ୍ୱାରା ପ୍ରଭାବିତ ହୋଇ ଏହି ନକ୍ସଲମାନେ ଆତ୍ମସମର୍ପଣ କରିଛନ୍ତି ।
