ଗୁଜୁରାଟ: AI-171 ବିମାନର ଦୁର୍ଘଟଣାରେ ପ୍ରାଣ ହରାଇଥିବା ପ୍ରତ୍ୟେକ ବ୍ୟକ୍ତିଙ୍କ ପରିବାରକୁ ଟାଟା ଗ୍ରୁପ୍ ୧ କୋଟି ଟଙ୍କା ପ୍ରଦାନ କରିବ। ଆମେ ଆହତମାନଙ୍କର ଚିକିତ୍ସା ଖର୍ଚ୍ଚ ମଧ୍ୟ ବହନ କରିବୁ ଏବଂ ସେମାନଙ୍କୁ ସମସ୍ତ ସହାୟତା ଯୋଗାଇବୁ। ଏହା ସହିତ, ଆମେ ବିଜେ ମେଡିକାଲର ହଷ୍ଟେଲ ନିର୍ମାଣରେ ସହାୟତା ପ୍ରଦାନ କରିବୁ ବୋଲି ଟାଟା ସନ୍ସର ଅଧ୍ୟକ୍ଷ ଏନ. ଚନ୍ଦ୍ରଶେଖରନ କହିଛନ୍ତି ।
ଅନ୍ୟପଟେ ପରିସ୍ଥିତିର ସମୀକ୍ଷା କରିବା ପାଇଁ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଅହମ୍ମଦାବାଦରେ ପହଞ୍ଚିଛନ୍ତି। ଅମିତ ଶାହ ଆହତମାନଙ୍କୁ ଭେଟିଛନ୍ତି, ଯେଉଁଥିରେ ଜଣେ ଆହତ ବ୍ୟକ୍ତି ମଧ୍ୟ ଅଛନ୍ତି ଯିଏ ଆଜି ପୂର୍ବରୁ ଦୁର୍ଘଟଣାଗ୍ରସ୍ତ ହୋଇଥିବା ବିମାନ AI171ର ଏକମାତ୍ର ଜୀବିତ ଥିବା ବ୍ୟକ୍ତି ।
ସୂଚନାଥାଉକି, ଗୁରୁବାର ଅପରାହ୍ନରେ ଅହମ୍ମଦାବାଦର ମେଘନାନିଗର ଅଞ୍ଚଳରେ ଏକ ବଡ଼ ବିମାନ ଦୁର୍ଘଟଣା ଘଟିଥିଲା। ଲଣ୍ଡନ ଯାଉଥିବା ଏୟାର ଇଣ୍ଡିଆର ବିମାନ AI-171 ଉଡ଼ାଣ ଭରିବାର କିଛି ମିନିଟ୍ ପରେ ହଠାତ୍ ନିକଟସ୍ଥ ଏକ ମେଡିକାଲ କଲେଜ କୋଠା ସହିତ ଧକ୍କା ହୋଇଥିଲା। ବିମାନରେ ୨୪୨ ଜଣ ଯାତ୍ରୀ ଏବଂ କ୍ରୁ ସଦସ୍ୟ ଥିଲେ। ସେମାନଙ୍କ ମଧ୍ୟରୁ ୧୬୯ ଜଣ ଭାରତୀୟ ନାଗରିକ, ୫୩ ଜଣ ବ୍ରିଟିଶ ନାଗରିକ, ଜଣେ କାନାଡିଆନ ନାଗରିକ ଏବଂ ୭ ଜଣ ପର୍ତ୍ତୁଗୀଜ ନାଗରିକ ଥିଲେ ।
