କ୍ରିୟାନୁଷ୍ଠାନ କମିଟିର ଆନ୍ଦୋଳନ ଘୋଷଣା ପରେ ଜିଲ୍ଳା ପ୍ରଶାସନ ମୁହଁ ଖୋଲିଲାପ୍ରେସ୍ ବିଜ୍ଞପ୍ତି ମାଧ୍ୟମରେ ଆନ୍ଦୋଳନ ବନ୍ଦ ନେଇ ପରାମର୍ଶ
ତାଳଚେର, ୧୮/୦୬ – ତାଳଚେର କ୍ରିୟାନୁଷ୍ଠାନ କମିଟିର ଆନ୍ଦୋଳନ ନିଷ୍ପତି ଗ୍ରହଣ କରିବାପରେ ଗତକାଲି ଜିଲ୍ଳା ପ୍ରଶାସନ ପକ୍ଷରୁ ଏହି ଆନ୍ଦୋଳନକୁ ନକରିବାକୁ ଏକ ପ୍ରେସ୍ ବିଜ୍ଞପ୍ତିରେ ଅନୁରୋଧ କରାଯାଇଛି । ପ୍ରଶାସନ ପକ୍ଷରୁ କୁହାଯାଇଛି ତାଳଚେର ପବିତ୍ରମୋହନ ଜଡ଼ିତ କାର୍ଯ୍ୟ ଏବେ ସମ୍ପୂର୍ଣ୍ଣ ହୋଇଛି । ଚୂଡ଼ାନ୍ତ ଅନୁମୋଦନ ପାଇଁ ଜାତୀୟ ମେଡ଼ିକାଲ ପରିସର ଦ୍ୱାରା ଆନୁଷ୍ଠାନିକ ଯାଂଚ ଖୁବ ଶିଘ୍ର ହେବାକୁ ଯାଉଛି । ଏହି ସମୟରେ ଆତର୍କିତ କୌଣସି ଧାରଣ, ଆନ୍ଦୋଳନ କିମ୍ବା ବିରୋଧ ପ୍ରଦର୍ଶନ ହେଲେ ଜାତୀୟ ମେଡ଼ିକାଲ ପରିଷଦ ଦ୍ୱାରା ହେବାକୁ ଥିବା ନିରୀକ୍ଷଣକୁ ବାଧା ପଂହଚାଇ ପାରେ ଓ ଚିକତ୍ସା ମହାବିଦ୍ୟାଳୟ ଚାଲୁ ହେବାକୁ ଅନିର୍ଦ୍ଧାରିତ ସମୟ ପାଇଁ ବିଳମ୍ବ କରିପାରେ । ଏହି ପରିପ୍ରେକ୍ଷୀରେ ଯେଉଁ ସଂଗଠନ ଧାରଣା କିମ୍ବା ବନ୍ଦ ଡ଼ାକରା ଦେଉଛନ୍ତି ସେମାନଙ୍କୁ ପରାମର୍ଶ ଦିଆଯାଉଛି ଯେ, ଦୟାକରି ଜିଲ୍ଳା ପ୍ରଶାସନ ଓ ଜାତୀୟ ମେଡ଼ିକାଲ ପରିଷଦ ନିରୀକ୍ଷଣ ପ୍ରକ୍ରିୟାରେ ସହଯୋଗ କରନ୍ତୁ ଯାହା ଫଳରେ ଏହି ଚିକତ୍ସା ମହାବିଦ୍ୟାଳୟ ଏହି ବର୍ଷ ଆରମ୍ଭ ହୋଇ ପାରିବ ବୋଲି ଜିଲ୍ଳା ସୂଚନା ଓ ଲୋକସମ୍ପର୍କ ଅଧିକାରୀ ଜୟଦୀପ ଧଳ ପ୍ରେସ୍ ବିଜ୍ଞପ୍ତ ମାଧ୍ୟମରେ ଏହା ପ୍ରକାଶ କରିଛନ୍ତି । ଏଠାରେ ସୂଚାଇ ଦିଆଯାଇପାରେ ଯେ, କ୍ରିୟାନୁଷ୍ଠାନ କମିଟିର ସଭାପତି ପଦ୍ମ ଚରଣ ସାମଲଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ତାଳଚେର ପୂର୍ବତନ ସାଂସଦ ମହେଶ ସାହୁ, ପଂଚାୟତ ସମିତି ଅଧ୍ୟକ୍ଷା ହେମଲତା ମହାନ୍ତି, କାଉନସିଲର, ସରପଂଚ, ସମିତି ମେମ୍ବର, ଜିଲ୍ଲା ପରିଷଦ ସଦସ୍ୟ/ସଦସ୍ୟା ମାନେ ଯୋଗଦେଇ ତାଳଚେର ମେଡିକାଲ୍ କଲେଜ୍ ଓ ଚିକିତ୍ସା ତାଳଚେର ଠାରେ ଶୀଘ୍ର ଆରମ୍ଭ କରିବାକୁ ସର୍ବ ସମ୍ମତି ପ୍ରସ୍ତାବ ଗ୍ରହଣ କରାଯାଇ ଆସନ୍ତା ତା୧୮/୦୬/୨୦୨୫ ରିଖ ଠାରୁ ମେଡିକାଲ୍ କଲେଜ୍ ସମ୍ମୁଖରେ ତା୨୭/୦୬/୨୦୨୫ ରିଖ ପର୍ଯ୍ୟନ୍ତ ୧୦ ଦିନ ପାଇଁ ଗଣଧାରଣା ଦିଆଯିବ ଏବଂ ଆସନ୍ତା ତା୩୦/୦୬/୨୦୨୫ ରିଖ ଠାରୁ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ଅର୍ଥନୈତିକ ଅବରୋଧ କରାଯିବ ବୋଲି ନିଷ୍ପତି ନିଆଯାଇଥିଲା । ଉକ୍ତ ବୈଠକରେ ସଂପାଦକ ବିଜୟ କୁମାର ପ୍ରଧାନ, ପୂର୍ବତନ ନଗରପାଳ କେଶବ ଭୂତିଆ, ପୂର୍ବତନ ପଂଚାୟତ ସମିତି ଅଧ୍ୟକ୍ଷ ଦିଗାମ୍ବର ଗଡନାୟକ, ପୂର୍ବତନ ଜିଲ୍ଲା ପରିଷଦ ସଦସ୍ୟ ମୁରଲୀଧର ସାହୁ, ଜିଲ୍ଲା ପରିଷଦ ସଦସ୍ୟା ରୀତାରାଣୀ ଦାସ, ଚୈତନ୍ୟ ପ୍ରଧାନ, ଜଗଦାନନ୍ଦ ପ୍ରଧାନ, ପ୍ରହ୍ଲ୍ାଦ ସାହୁ, ହିମାଂଶୁ ପ୍ରଧାନ, ପ୍ରକାଶ ସାହୁ, ଅନନ୍ତ ସାହୁ, ଖୁଲଣା ପରିଡା, ସୁକାନ୍ତ ଦାସ, ଅନ୍ତର୍ଯ୍ୟାମୀ ମହାନ୍ତି, ସୁରେଶ ବେହେରା, ଅରବିନ୍ଦ ଭୂତିଆ, ଧୃବ ଚରଣ ଧିର, ସୁରେଶ ପଟ୍ଟନାୟକ, ରମାକାନ୍ତ ସାମଲ, ସନ୍ତୋଷ ପ୍ରଧାନ, ସଂଜୀବ ସାହୁ ପ୍ରମୁଖ ଉପସ୍ଥିତ ଥିଲେ । ତେବେ ଏହାକୁ ଆଖି ଆଗରେ ରଖି ଜିଲ୍ଳା ପ୍ରଶାସନ ଗତକାଲି ପ୍ରେସ୍ ବିଜ୍ଞପ୍ତି ମାଧ୍ୟମରେ ଏହାକୁ ବନ୍ଦ କରିବାକୁ ପରାମଶଁ ଦେବା ସହିତ ସେହିଭଳି ଢ଼େଙ୍କାନାଳ ସାଂସଦ ରୁଦ୍ରନାରାୟଣ ପାଣି ବିଜେଡ଼ି ପକ୍ଷରୁ ଏହି ପ୍ରସଙ୍ଗରେ ଧାରଣା ବନ୍ଦ ଡ଼ାକରା ପାଇଁ ଯେଉଁ ଆହ୍ୱାନ ଦିଆଯାଇଛି ତାହା ଦ୍ୱାରା ମେଡ଼ିକାଲ କାର୍ଯ୍ୟକ୍ଷମ ପ୍ରକ୍ରିୟାରେ ବିଳମ୍ବରେ ହେବ । ତେଣୁ ତାଳଚେର ବିଧାୟକ ଓ ବିଜେଡ଼ି ନେତାମାନେ ଏଥିରୁ ନିବୃତ ରହିବା ପାଇଁ ଏକ ପ୍ରେସ୍ ବିଜ୍ଞପ୍ତି ମାଧ୍ୟମରେ ଏହା ପ୍ରକାଶ କରିଛନ୍ତି । ପୁନଶ୍ଚ ତାଳଚେର ଉପଜିଲ୍ଳାପାଳ ପକ୍ଷରୁ କୌଣସି ଅଶାନ୍ତିବାତାବରଣ ସୃଷ୍ଟି ନକରିବାକୁ ତା ୧୭/୦୬/୨୦୨୫ ଠାରୁ ୧୬/୦୭/୨୦୨୫ ପର୍ଯ୍ୟନ୍ତ ସରକାରୀ ପବିତ୍ର ମୋହନ ପ୍ରଧାନ ମେଡ଼ିକାଲ ଠାରୁ ଏଫିସିଆଇ ଏକଘରିଆ ପର୍ଯ୍ୟନ୍ତ ରାସ୍ତାରେ ଆଇନ ଅନୁଯାୟୀ ୧୬୩ ଧାରା ଲାଗୁ କରାଯାଇଛି ଏବଂ ଆଜି ଠାରୁ ଜାତୀୟ ମେଡ଼ିକାଲ ପରିଷଦ କୌଣସି ସମୟରେ ମେଡ଼ିକାଲକୁ ପରିଦର୍ଶନ କରିବାନେଇ ଆସିଥିବାରୁ ମେଡ଼ିକାଲ କଲେଜ ସମ୍ମୁଖରେ ପୋଲିସ୍ ମୂତୟନ କରାଯାଇଛି । ତେବେ ଏହି ରାସ୍ତା ଗୁଡ଼ିକରେ ଜନଗହଳି ନକରିବାପାଇଁ କୌଣସି ପ୍ରକାର ସଭାସମିତ ହୋଇ ପାରିବ ନାହିଁ ବୋଲି ପ୍ରେସ୍ ବିଜ୍ଞପ୍ତିରେ ଉପଜିଲ୍ଳାପାଳ ଏହା ଜଣାଇଛନ୍ତି ।
