ପୂରୀ: ଆଜି ପୁରୀ ସର୍କିଟ ହାଉସ ଠାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଶ୍ରୀମନ୍ଦିର ସେବାୟତମାନଙ୍କ ସହ ଏକ ସ୍ୱତନ୍ତ୍ର ବୈଠକରେ ସେମାନଙ୍କ ସହିତ ଆଲୋଚନା କରିଛନ୍ତି । ମୁଖ୍ୟମନ୍ତ୍ରୀ ପ୍ରଥମେ ରଥଯାତ୍ରାର ସମସ୍ତ ନୀତିକାନ୍ତି ସୂଚାରୁ ରୂପେ ନିର୍ବାହ କରିଥିବାରୁ ସମସ୍ତଙ୍କୁ ଧନ୍ୟବାଦ ଦେଇ କହିଥିଲେ ଯେ, ଆପଣମାନଙ୍କ ସହଯୋଗ ଓ ସେବାପୂଜା ଯୋଗୁଁ ବର୍ତ୍ତମାନ ପର୍ଯ୍ୟନ୍ତ ରଥଯାତ୍ରାର ସମସ୍ତ ନୀତିକାନ୍ତି ସୁରୁଖୁରୁରେ ସମାପନ ହୋଇଛି ।
ମୁଖ୍ୟମନ୍ତ୍ରୀ ନିଜ ପ୍ରତିକ୍ରିୟାରେ କହିଛନ୍ତି, ବିଶ୍ଵ ପ୍ରସିଦ୍ଧ ରଥ ଯାତ୍ରାକୁ ସୁରୁଖୁରୁରେ ଆୟୋଜନ ପାଇଁ ବୈଠକ ଅନୁଷ୍ଠିତ ହେଇଥିଲା । ଭକ୍ତଙ୍କ ସୁରକ୍ଷା ଉପରେ ଆମର ବେଶୀ ଗୁରୁତ୍ଵ ରହିଛି । ଏଣୁ ରଥଯାତ୍ରାରେ ଥିବା ସବୁ ଅଧିକାରୀ, ନୂତନ ଭାବେ ଦାୟିତ୍ଵ ନେଇ ଥିବା ପୁରୀ ଜିଲ୍ଲପାଳ, ଏସପିଙ୍କ ସମେତ ବହୁ ବରିଷ୍ଠ ଅଧିକାରୀଙ୍କ ସହିତ ଭକ୍ତଙ୍କ ସୁରକ୍ଷା କିଭଳି ଭଲରେ ହୋଇପାରିବ, ରଥଯାତ୍ରା ଅଘଟଣ ମୁକ୍ତ ହୋଇ ପାରିବ ସେନେଇ ଆଲୋଚୋନା ହୋଇଥଲା ।ସେହିପରି ମହାପ୍ରଭୁଙ୍କ ସେବାୟତଙ୍କ ସହ ଆଲୋଚୋନା ହୋଇଥଲା । ସେବାୟତଙ୍କ ଅସୁବିଧା କଣ ରହିଛି ସେନେଇ ଅବଗତ ହେଲି । ଏହାର ସମାଧାନ ପାଇଁ ଆମ ସରକାର ସଜାଗ ଅଛି । ଆଗକୁ ଥିବା ବାହୁଡ଼ା, ସୁନା ବେଶ ଓ ନିଳାଦ୍ରୀ ବିଜେ ନିତି ସୁରୁଖୁରୁରେ ହେବ ବୋଲି ମୋର ଆଶା ଅଛି । ସେବାୟତ ବନ୍ଧୁମାନେ ମହାପ୍ରଭୁଙ୍କ ସେବାକୁ ସୁରୁଖୁରୁରେ କରିବା ପାଇଁ ସବୁ ବେଳେ ପ୍ରସ୍ତୁତ ଅଛନ୍ତି । ଆଗାମୀ ରଥଯାତ୍ରାରେ କୌଣସି ଅଘଟଣ ନ ଘଟୁ ସେନେଇ ମୁଁ ମହାପ୍ରଭୁଙ୍କୁ ପ୍ରାର୍ଥନା କରୁଛି ବୋଲି ମୁଖ୍ୟମନ୍ତ୍ରୀ କହିଛନ୍ତି ।ରଥଯାତ୍ରା ପାଇଁ ଯେଉଁ ଅଧିକାରୀଙ୍କୁ ନିୟୋଜିତ କରାଯାଇଛି ତାଙ୍କ ଉପରେ ମୋର ବିଶ୍ବାସ ରହିଛି । ସେମାନେ ମହାପ୍ରଭୁଙ୍କ ଜଣେ ସେବକ ହିସାବରେ କାର୍ଯ୍ୟ କରିବେ । ମହାପ୍ରଭୁଙ୍କ ରଥଯାତ୍ର ଭଲରେ ଅନୁଷ୍ଠିତ ହେବ । ତେବେ ଶନିବାର ଓ ରବିବାର ଛୁଟି ଦିନ ଥିବାରୁ ପ୍ରବଳ ଭକ୍ତଙ୍କ ସମାଗମ ହୋଇଥିଲା । ତେବେ ନିଶ୍ଚିତ ରୂପରେ ସୁରକ୍ଷା ବ୍ୟବସ୍ଥାରେ ତ୍ରୁଟି ରହିଥିଲା । ଏଣୁ ଏଭଳି ଅଘଟଣ ଘଟିଲା । ତେବେ ଏଥିପାଇଁ କାର୍ଯ୍ୟନୁଷ୍ଠାନ ନିଆଯାଇଛି । ଘଟଣାର ତଦନ୍ତ ଚାଲିଛି । ରିପୋର୍ଟ୍ ଆସିବା ପରେ କାର୍ଯ୍ୟନୁଷ୍ଠାନ ମଧ୍ୟ ନିଆଯିବ ।ମୁଖ୍ୟମନ୍ତ୍ରୀ ଶ୍ରୀ ମାଝୀ ଆହୁରି କହିଛନ୍ତି ଯେ, ଆଗାମୀ ଦିନରେ ଏଭଳି ଦୁଃଖଦ ଘଟଣା ଯେଭଳି ନ ଘଟେ ସେନେଇ ପଦକ୍ଷେପ ନିଆଯିବ । ତେବେ ଯେତେ ଭକ୍ତ ଆସିଲେ ବି ଭକ୍ତ ମାନେ କିଭଳି ଶୃଙ୍ଖଳିତ ଦର୍ଶନ ପାଇବେ ସେନେଇ ସବୁ ବ୍ୟବସ୍ଥାକୁ ସୁଦୃଢ଼ କରାଯାଉଛି । ଏନେଇ ଆଜି ବୈଠକରେ ଉଚ୍ଚ ପଦସ୍ଥ ଅଧିକାରୀଙ୍କ ସହ ଆଲୋଚାନା ହୋଇଛି । ଭିଡ଼ ନିୟନ୍ତ୍ରଣ ପାଇଁ ଏଆଇ କ୍ୟାମେରା ଲଗାଯାଇଛି । ମହାପ୍ରଭୁଙ୍କୁ ମୁଁ ପ୍ରାର୍ଥନା କରୁଚି ରଥଯାତ୍ରା ସୁରୁଖୁରୁରେ ସମାପନ ହେଉ ।
